ಐಆರ್‌ಡಿಎ ಸಂಧಾನ ಸಫ‌ಲ; 10 ದಿನಗಳ ಲಾರಿ ಮುಷ್ಕರ ಅಂತ್ಯ 

ಹೈದರಾಬಾದ್‌ :ವಿಮಾ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ (ಐಆರ್‌ಡಿಎ) ಮಿಮಾ ಮೊತ್ತ ಕಡಿಮೆ ಮಾಡಲು ಒಪ್ಪಿದ ಕಾರಣ   ಕಳೆದ ಹತ್ತು ದಿನಗಳಿಂದ ನಡೆಸುತ್ತಿದ್ದ ಸರಕು ಸಾಗಣೆದಾರರ ಮುಷ್ಕರವನ್ನು ಹಿಂಪಡೆದುಕೊಳ್ಳಲಾಗಿದೆ. 

ಹೈದರಾಬಾದ್‌ನಲ್ಲಿ 2 ವಿಫ‌ಲ ಸಭೆಗಳ ಬಳಿಕ  ಶನಿವಾರ ನಡೆದ ಸಭೆಯಲ್ಲಿ ಐಆರ್‌ಡಿಎ ಅಧಿಕಾರಿಗಳು ವಿಮಾ ಶುಲ್ಕ 23 ಶೇಕಡಾ ಇಳಿಕೆ ಮಾಡಲು ಒಪ್ಪಿದ ಕಾರಣ ಸಭೆ ಸಫ‌ಲವಾಗಿದೆ ಎಂದು ವರದಿಯಾಗಿದೆ. 

ಕೇಂದ್ರ ಸರ್ಕಾರ ಬೇಡಿಕೆಗಳಿಗೆ ಸ್ಪಂದಿಸದ ಹಿನ್ನೆಲೆಯಲ್ಲಿ ನಾನಾ ಸಾರಿಗೆ ಸಂಘಟನೆಗಳು ಹೋರಾಟ ಬೆಂಬಲಿಸಲಾರಂಭಿಸಿದ್ದವು. ಆ್ಯಪ್‌ ಆಧಾರಿತ ಕ್ಯಾಬ್‌ ಸೇವೆಗಳಾದ ಓಲಾ, ಉಬರ್‌ ಸಂಸ್ಥೆಗಳು ಶನಿವಾರದಿಂದಲೇ ವಾಹನ ಸ್ಥಗಿತಗೊಳಿಸಿ ಹೋರಾಟಕ್ಕಿಳಿಯಲು ನಿರ್ಧರಿಸಿದ್ದವು. ಮ್ಯಾಕ್ಸಿಕ್ಯಾಬ್‌ ಮಾಲೀಕರು ಸೋಮವಾರದಿಂದ ಮುಷ್ಕರಕ್ಕಿಳಿಯಲು ಚಿಂತಿಸಿದ್ದರು. ಸಂಧಾನ ಯಶಸ್ವಿಯಾಗದೇ ಹೊಗಿದ್ದಲ್ಲಿ  ಹೋರಾಟ ಇನ್ನಷ್ಟು ಉಗ್ರ ಸ್ವರೂಪ ಪಡೆದು ಜನರು ಅಗತ್ಯ ವಸ್ತುಗಳಿಗಾಗಿ ಪರದಾಡಬೇಕಾದ ಸಾದ್ಯತೆಗಳಿದ್ದವು.