ಪ್ರತೀ ದಿನ 1.5 ಕೋಟಿ ಮಾಸ್ಕ್ ಉತ್ಪಾದಿಸುವ ಸಾಮರ್ಥ್ಯ : ಕೇಂದ್ರ ಸರಕಾರ ಮಾಹಿತಿ

ದೇಶದಲ್ಲಿ ಅಗತ್ಯವೆನಿಸುವಷ್ಟು ಮಾಸ್ಕ್ ಗಳನ್ನು ಉತ್ಪಾದಿಸುವ ಸಾಮರ್ಥ್ಯ ಇದೆ. ಪ್ರತಿ ದಿನ 1.5 ಕೋಟಿ ಮಾಸ್ಕ್ಗಳನ್ನು ಉತ್ಪಾದಿಸಲಾಗುತ್ತದೆ ಎಂದು ಕೇಂದ್ರ ಸರಕಾರ ರಾಜ್ಯಸಭೆಗೆ ಶುಕ್ರವಾರ ತಿಳಿಸಿದೆ. ವೈರಸ್‌ ಹಿನ್ನೆಲೆಯಲ್ಲಿ ದೇಶದಲ್ಲಿ ಪರಿಸ್ಥಿತಿ ಕೈಮೀರುವಂಥ ಸ್ಥಿತಿ ಇಲ್ಲ.

ಇದರ ಜತೆಗೆ ವೈದ್ಯಕೀಯ, ಅರೆ ವೈದ್ಯಕೀಯ ಸಿಬಂದಿಗೆ ಅಗತ್ಯವಾದ ಗ್ಲೌಸ್‌ಗಳಿಗೆ, ಸ್ಯಾನಿಟೈಸರ್‌ಗಳಿಗೆ ಕೂಡ ಕೊರತೆ ಉಂಟಾಗಿಲ್ಲವೆಂದು ರಾಸಾಯನಿಕ ಮತ್ತು ರಸಗೊಬ್ಬರ ಖಾತೆ ಸಹಾಯಕ ಸಚಿವ ಮನ್‌ಸುಖ್‌ ಮಾಂಡವ್ಯ ತಿಳಿಸಿದ್ದಾರೆ. ‘ದೇಶದಲ್ಲಿ ಮಾಸ್ಕ್ ಉತ್ಪಾದನೆ ಮಾಡಿರುವ 100 ಘಟಕಗಳು ಕೆಲಸ ಮಾಡುತ್ತಿವೆ. ಪ್ರತಿ ದಿನ 1.5 ಕೋಟಿ ಮಾಸ್ಕ್ ಉತ್ಪಾದನೆ ಮಾಡುವ ಸಾಮರ್ಥ್ಯ ಇದೆ’ ಎಂದಿದ್ದಾರೆ ಸಚಿವರು.