ಮಹಾಬಲಿಪುರಂನಲ್ಲಿ ಮೋದಿ–ಕ್ಸಿ ಭೇಟಿ : ಉಭಯ ನಾಯಕರಿಂದ ನೃತ್ಯಕಾರ್ಯಕ್ರಮ ವೀಕ್ಷಣೆ

ಚೆನ್ನೈ: ಐತಿಹಾಸಿಕ ಮಹತ್ವವನ್ನು ಪಡೆದುಕೊಂಡಿರುವ ಇಲ್ಲಿನ ಕರಾವಳಿ ಪಟ್ಟಣ ಮಹಾಬಲಿಪುರಂನಲ್ಲಿ ಭಾರತದ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಹಾಗೂ ಚೀನಾ ಅಧ್ಯಕ್ಷ ಕ್ಸಿ ಝಿನ್ ಪಿಂಗ್ ನಡುವೆ ನಡೆಯಲಿರುವ ಅನೌಪಚಾರಿಕ ಭೇಟಿಗೆ ಸಿದ್ಧತೆಗಳೆಲ್ಲಾ ಪೂರ್ಣಗೊಂಡಿವೆ.

ಈಗಾಗಲೇ ಏಷ್ಯಾದ ಎರಡು ಬಲಿಷ್ಟ ದೇಶಗಳ ನಾಯಕರ ಮುಖಾಮುಖಿಗೆ ವೇದಿಕೆ ಸಿದ್ಧಗೊಂಡಿದೆ. ದ್ವಿಪಕ್ಷೀಯ ಬಾಂಧವ್ಯಗಳನ್ನು ಬಲಿಷ್ಠಗೊಳಿಸುವ ನಿಟ್ಟಿನಲ್ಲಿ ಎರಡೂ ದೇಶಗಳ ಅಧಿಕಾರಿಗಳ ನಿಯೋಗದ ಸಭೆಯೂ ಇಲ್ಲಿ ನಡೆಯಲಿದೆ.

ಪ್ರಧಾನಿ ಮೋದಿ ಮತ್ತು ಚೀನಾ ಅಧ್ಯಕ್ಷ ಕ್ಸಿ ಝಿನ್ ಪಿಂಗ್ ಅವರು ಇಂದು ಸಾಯಂಕಾಲ ಜೊತೆಯಾಗಿ ಇಲ್ಲಿನ ಯನೆಸ್ಕೋ ವಿಶ್ವಪಾರಂಪರಿಕ ತಾಣಗಳಿಗೆ ಜೊತೆಯಾಗಿ ಭೇಟಿ ನೀಡಿದರು. ಈ ಸಂದರ್ಭದಲ್ಲಿ ಚೀನಾ ಅಧ್ಯಕ್ಷರು ಸಾದಾ ಉಡುಪಿನಲ್ಲಿ ಗಮನ ಸೆಳೆದರೆ ಪ್ರಧಾನಿ ಮೋದಿ ಅವರು ತಮಿಳುನಾಡಿನ ಸಾಂಪ್ರದಾಯಿಕ ಉಡುಗೆಯಾದ ಬಿಳಿ ಪಂಚೆ, ಬಿಳಿ ಅಂಗಿ ಮತ್ತು ಶಾಲು ತೊಟ್ಟುಕೊಂಡು ಗಮನ ಸೆಳೆದರು.

ಈ ಇಬ್ಬರೂ ನಾಯಕರ ಅನೌಪಚಾರಿಕ ಭೇಟಿಯ ವೇಳೆ ಭಯೋತ್ಪಾದನೆ, ವ್ಯಾಪಾರ ಮತ್ತು ಗಡಿ ಸಮರ ಸಂಬಂಧಿಸಿದ ಹಲವು ವಿಚಾರಗಳು ಚರ್ಚೆಯಾಗುವ ನಿರೀಕ್ಷೆ ಇದೆ. ಆದರೆ ಇದೊಂದು ಅನೌಪಚಾರಿಕ ಭೇಟಿಯಾಗಿರುವ ಹಿನ್ನಲೆಯಲ್ಲಿ ಇಲ್ಲಿ ಯಾವುದೇ ರೀತಿಯ ಒಪ್ಪಂದಗಳಿಗೆ ಉಭಯ ನಾಯಕರು ಸಹಿ ಹಾಕುವುದಿಲ್ಲ. ಆದರೆ ಭಾರತ ಮತ್ತು ಚೀನಾ ದೇಶಗಳ ನಡುವಿನ ಬಾಂಧವ್ಯ ಮತ್ತು ವ್ಯಾಪಾರ ಅವಕಾಶಗಳನ್ನು ವೃದ್ಧಿಸಿಕೊಳ್ಳುವ ನಿಟ್ಟಿನಲ್ಲಿ ಉಭಯ ನಾಯಕರ ಈ ಅನೌಪಚಾರಿಕ ಭೇಟಿ ಒಂದಿ ವೇದಿಕೆಯಾಗಲಿದೆ ಎಂಬ ಅಬಿಪ್ರಾಯ ವ್ಯಕ್ತವಾಗಿದೆ.

ಪ್ರಧಾನಿ ಮೋದಿ ಮತ್ತು ಚೀನಾ ಅಧ್ಯಕ್ಷರ ಮಹಾಬಲಿಪುರಂ ಭೇಟಿಯ LIVE Updates ಇಲ್ಲಿದೆ:

– ಸಾಂಸ್ಕೃತಿಕ ಕಾರ್ಯಕ್ರಮದ ಬಳಿಕ ಕಲಾವಿದರೊಂದಿಗೆ ಗ್ರೂಪ್ ಫೊಟೋಗೆ ಪೋಸ್ ನೀಡಿದ ಉಭಯ ನಾಯಕರು.

– ಉಭಯ ನಾಯಕರು ಕಲಾಕ್ಷೇತ್ರ ಫೌಂಡೇಶನ್ ನ ವಿದ್ಯಾರ್ಥಿಗಳ ನೃತ್ಯ ಕಾರ್ಯಕ್ರಮವನ್ನು ಆಸ್ವಾದಿಸುತ್ತಿದ್ದಾರೆ.

– ಮಹಾಬಲಿಪುರಂನ ಸಮುದ್ರ ತೀರದಲ್ಲಿರುವ ದೇವಾಲಯದ ಸುಂದರ ಪರಿಸರದಲ್ಲಿ ಮೋದಿ ಮತ್ತು ಝಿನ್ ಪಿಂಗ್ ಮಾತುಕತೆ.
Tamil Nadu: Prime Minister Narendra Modi and Chinese President Xi Jinping at the Shore Temple in Mahabalipuram. pic.twitter.com/uEh2oxEuNk

– ಮಹಾಬಲಿಪುರಂನಲ್ಲಿರುವ ಈ ಸ್ಮಾರಕಗಳನ್ನು ಯುನೆಸ್ಕೋ ವಿಶ್ವ ಪಾರಂಪರಿಕ ತಾಣ ಎಂದು ಘೋಷಿಸಿದೆ. ಕೋರಮಂಡಲ ಸಮುದ್ರ ತೀರ ಪ್ರದೇಶದಲ್ಲಿರುವ ಈ ದೇವಾಲಯಗಳ ಸಮೂಹವನ್ನು ಪಲ್ಲವ ರಾಜವಂಶಸ್ಥರು 7 ಮತ್ತು 8ನೇ ಶತಮಾನದಲ್ಲಿ ನೈಸರ್ಗಿಕ ಬಂಡೆಗಳನ್ನು ಕೊರೆದು ಕಟ್ಟಿಸಿರುವ ಇತಿಹಾಸವಿದೆ.
#WATCH The group of Monuments in Mahabalipuram, a UNESCO World Heritage site. This group of sanctuaries, founded by the Pallava kings, was carved out of rock along the Coromandel coast in the 7th and 8th centuries. #TamilNadu pic.twitter.com/hFCFnzMDcL

– ಮೋದಿ ಮತ್ತು ಝಿನ್ ಪಿಂಗ್ ಅವರು ಇಂದು ಮೂರು ಗಂಟೆಗಳನ್ನು ಜೊತೆಯಾಗಿ ಕಳೆಯಲಿದ್ದು ಒಟ್ಟಾರೆ ಈ ಉಭಯ ನಾಯಕರ ಎರಡು ದಿನಗಳ ಭೇಟಿಯಲ್ಲಿ ಇವರಿಬ್ಬರು ಆರು ಗಂಟೆಗಳನ್ನು ಜೊತೆಯಲ್ಲಿ ಕಳೆಯಲಿದ್ದಾರೆ.

– ವಿದೇಶಾಂಗ ವ್ಯವಹಾರಗಳ ಸಚಿವ ಜೈ ಶಂಕರ್, ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್ ಧೋವಲ್ ಅವರು ಮಹಾಬಲಿಪುರಂ ದೇವಸ್ಥಾನದ ಆವರಣದಲ್ಲಿ ಚೀನಾ ಅಧ್ಯಕ್ಷರನ್ನು ಭೇಟಿ ಮಾಡಿದರು.

– ಸುತ್ತಾಟದ ಬಳಿಕ ಪಂಚ ರಥಗಳ ಬಳಿ ಉಭಯ ನಾಯಕರು ಕುಳಿತು ಮಾತುಕತೆಯನ್ನು ನಡೆಸಿದರು.ಈ ಸಂದರ್ಭದಲ್ಲಿ ಮೋದಿ ಮತ್ತು ಚೀನಾ ಅಧ್ಯಕ್ಷರು ಸೀಯಾಳ ನೀರಿನ ರುಚಿ ಸವಿದದ್ದು ವಿಶೇಷವಾಗಿತ್ತು.
Tamil Nadu: Prime Minister Narendra Modi with Chinese President Xi Jinping at Panch Rathas in Mahabalipuram. pic.twitter.com/z3WvL89PLx

– ಮಹಾಬಲಿಪುರಂನಲ್ಲಿರುವ ಯುನೆಸ್ಕೋ ವಿಶ್ವಪಾರಂಪರಿಕ ತಾಣವಾಗಿರುವ ಗುಹಾ ದೇವಾಲಯದ ಆವರಣದಲ್ಲಿ ಪ್ರಧಾನಿ ಮೋದಿ ಮತ್ತು ಝಿನ್ ಪಿಂಗ್ ಅವರು ಉಭಯಕುಶಲೋಪರಿ ನಡೆಸಿದರು.

– ಪ್ರಧಾನಿ ಮೋದಿ ಅವರು ಚೀನಾ ಅಧ್ಯಕ್ಷರನ್ನು ಮಹಾಬಲಿಪುರಂಗೆ ಆತ್ಮೀಯವಾಗಿ ಸ್ವಾಗತಿಸಿದರು.

– ಚೀನಾ ಅಧ್ಯಕ್ಷರ ಜೊತೆ 100 ಜನ ಸದಸ್ಯರ ನಿಯೋಗ ಆಗಮಿಸಿದ್ದು ಈ ನಿಯೋಗದಲ್ಲಿ ಚೀನಾದ ವಿದೇಶಾಂಗ ಸಚಿವರು ಮತ್ತು ಸ್ಟೇಟ್ ಕೌನ್ಸಿಲರ್ ಸಹ ಇದ್ದಾರೆ. ಈ ನಿಯೋಗವು ಪ್ರಧಾನಿ ಮೋದಿ ಅವರ ಜೊತೆ ಎರಡು ದಿನಗಳ ಕಾಲ ಅನೌಪಚಾರಿಕ ಮಾತುಕತೆಯನ್ನು ನಡೆಸಲಿದೆ.

– ಈ ಇಬ್ಬರು ನಾಯಕರು ಇದಕ್ಕೂ ಮೊದಲು 2018ರ ಎಪ್ರಿಲ್ 27 ಮತ್ತು 28ರಂದು ಚೀನಾದ ವುಹಾನ್ ನಲ್ಲಿ ಮೊದಲನೇ ಅನೌಪಚಾರಿಕ ಭೇಟಿ ನಡೆದಿತ್ತು.