ವಾಡಿ: ಕುಸಿದು ಬಿದ್ದು ಉದ್ಯೋಗ ಖಾತ್ರಿ ಕಾರ್ಮಿಕ ಸಾವು

ವಾಡಿ: ಉದ್ಯೋಗ ಖಾತ್ರಿ ಕೆಲಸದಲ್ಲಿ ತೊಡಗುವ ಮೂಲಕ ನೂರಾರು ಕಾರ್ಮಿಕರ ನಡುವೆ ಹಳ್ಳದ ಹೂಳೆತ್ತುತ್ತಿದ್ದ ವೇಳೆ ಕಾರ್ಮಿಕನೋರ್ವ ಕುಸಿದು ಬಿದ್ದು ಮೃತಪಟ್ಟ ಘಟನೆ ಚಿತ್ತಾಪುರ ತಾಲೂಕಿನ ಹಳಕರ್ಟಿ ಗ್ರಾಪಂ ವ್ಯಾಪ್ತಿಯಲ್ಲಿ ನಡೆದಿದೆ.

ಹಳಕರ್ಟಿ ಗ್ರಾಮದ ನಿವಾಸಿ ಮಲ್ಲಣ್ಣ ಮರೆಪ್ಪ ಇಸಬಾ (68) ಮೃತಪಟ್ಟ ಕಾರ್ಮಿಕ.

ಮಂಗಳವಾರ ಎಂದಿನಂತೆ ಪಂಚಾಯಿತಿ ಅಧಿಕಾರಿಗಳ ಸೂಚನೆಯಂತೆ ನೂರಾರು ಜನ ಕಾರ್ಮಿಕರು ನರೇಗಾ ಕಾಯಕದಲ್ಲಿ ನಿರತರಾಗಿದ್ದರು ಎನ್ನಲಾಗಿದೆ. ಸಹ ಕಾರ್ಮಿಕರೊಂದಿಗೆ ಹಳ್ಳದ ಹೂಳೆತ್ತಿದ್ದ ಕಾರ್ಮಿಕ ಮಲ್ಲಣ್ಣ ಇಸಬಾ, ಏಕಾಏಕಿ ಕುಸಿದು ಬಿದ್ದರು. ತಕ್ಷಣ ಅವರನ್ನು ಸ್ಥಳೀಯ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ ಎಂದು ಹಳಕರ್ಟಿ ಗ್ರಾಪಂ ಅಭಿವೃದ್ಧಿ ಅಧಿಕಾರಿ ರಾಚಯ್ಯಸ್ವಾಮಿ ತಿಳಿಸಿದ್ದಾರೆ.