ಗೇಟ್‌ ಅಳವಡಿಕೆ ದೋಷ: ತನಿಖೆಗೆ ಒತ್ತಾಯಿಸಿ ಮನವಿ

ನಾರಾಯಣಪುರ: ಕೃಷ್ಣಾ ಅಚ್ಚುಕಟ್ಟು ಪ್ರದೇಶದ ನಾರಾಯಣಪುರ ಎಡದಂಡೆ ಕಾಲುವೆ ವ್ಯಾಪ್ತಿಯ ಎಲ್ಲ ವಿತರಣಾ ಕಾಲುವೆಗಳಿಗೆ ವಾಲುಮೆಟ್ರಿಕ್‌ ಗೇಟ್‌ ಅಳವಡಿಸಲಾಗುವ ಕಾಮಗಾರಿಯಲ್ಲಿ ಹಲವಾರು ದೋಷಗಳಿವೆ. ಗೇಟ್‌ ಕಾಮಗಾರಿ ಕೂಡಲೇ ಸ್ಥಗಿತಗೊಳಿಸುವಂತೆ ಇಲ್ಲಿನ ನೀರು ಬಳಕೆದಾರರ ಸಹಕಾರಿ ಸಂಘಗಳ ಮಹಾಮಂಡಳಿ ಅಧ್ಯಕ್ಷರ ತಂಡ ಶಾಸಕ ರಾಜುಗೌಡ ಅವರಿಗೆ ಮನವಿ ಸಲ್ಲಿಸಿತು.

ಮನವಿ ಸ್ವೀಕರಿಸಿದ ಶಾಸಕ ರಾಜುಗೌಡ ತಕ್ಷಣವೇ ಕೆಬಿಜೆಎನ್‌ಎಲ್‌ ವ್ಯವಸ್ಥಾಪಕರಿಗೆ ದೂರವಾಣಿಯಲ್ಲಿ ಮಾತನಾಡಿ, ಈ ಕುರಿತು ಸ್ಥಳ ಪರಿಶೀಲಿಸಿ ಕ್ರಮ ಕೈಗೊಳ್ಳುವಂತೆ ಮನವಿ ಮಾಡಿದರು. ಹುಣಸಗಿ ಮಹಾ ಮಂಡಳದ ಅಧ್ಯಕ್ಷ ಸಂಗನಗೌಡ ಪಾಟೀಲ ವಜ್ಜಲ, ರಂಗಪ್ಪ ಡಂಗಿ, ಎಂ.ಆರ್‌. ಖಾಜಿ, ರಾಘವೇಂದ್ರ ಕಾಮನಟಗಿ ಇದ್ದರು.