ಪಾರ್ಕ್‌ನಲ್ಲಿ ನೀರು!

ನೋಯ್ಡಾ: ಇಲ್ಲಿನ ಉದ್ಯಾನವನ್ನು ಅನಧಿಕೃತ ನಮಾಜ್‌ಗೆ ಬಳಸಿಕೊಳ್ಳಬಾರದೆಂದು ಇಲ್ಲಿನ ಪೊಲೀಸರು ಜಾರಿಗೊಳಿಸಿದ್ದ ನಿಯಮಕ್ಕೆ ಪೂರಕವಾಗಿ ಶುಕ್ರವಾರ ಇಡೀ ಉದ್ಯಾನವನಕ್ಕೆ ಪೊಲೀಸ್‌ ಗಸ್ತು ಏರ್ಪಡಿಸಲಾಗಿತ್ತು ಹಾಗೂ ಉದ್ಯಾನವನಕ್ಕೆ ನೀರು ಹಾಯಿಸಿ ಯಾರೂ ನೆಲದ ಮೇಲೆ ಕುಳಿತು ಪ್ರಾರ್ಥನೆ ಸಲ್ಲಿಸದಂಥ ಸನ್ನಿವೇಶ ನಿರ್ಮಾಣ ಮಾಡಲಾಗಿತ್ತು ಎಂದು ಸ್ಥಳೀಯರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. 

ಶುಕ್ರವಾರ ಇಲ್ಲಿ ಹತ್ತಾರು ಜನರು ನಮಾಜ್‌ಗಾಗಿ ಆಗಮಿಸಿದ್ದರು. ಆದರೆ, ಪಾರ್ಕಿನ ಹಲವಾರು ಕಡೆ ನೀರು ನಿಂತಿರುವುದನ್ನು ನೋಡಿ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಸ್ಥಳೀಯ ಆಡಳಿತ, ಪಾರ್ಕಿನಲ್ಲಿ ನೀರು ನಿಲ್ಲಲು ನಾವು ಕಾರಣವಲ್ಲ. ಪಾರ್ಕಿನ ಉಸ್ತುವಾರಿ ಹೊತ್ತಿರುವ ಕಂಟ್ರಾಕ್ಟರ್‌ಗಳು ನೀರು ಪೂರೈಸಿರುತ್ತಾರೆ ಎಂದು ಹೇಳಿ ಜಾರಿಕೊಂಡಿದ್ದಾರೆ.