ವಿವಿ ಚಿನ್ನದ ಪದಕ ಪಡೆದ ಎನ್‌.ಶಿಲಿನಾಕೋಟೆ

ಎಚ್‌.ಡಿ.ಕೋಟೆ: ಎನ್‌.ಶಿಲಿನಾಕೋಟೆ ಅವರು ಮೈಸೂರು ವಿಶ್ವ ವಿದ್ಯಾನಿಲಯದ ಜಾನಪದ ಎಂ.ಎ ವಿಭಾಗದಲ್ಲಿ ಅತಿ ಹೆಚ್ಚು ಅಂಕಗಳಿಸುವ ಮೂಲಕ ಮೈಸೂರು ವಿವಿಯಿಂದ ನೀಡಲಾಗುವ ಪುಟ್ಟತಾಯಮ್ಮ ಗುಜ್ಜೆಗೌಡ ಚಿನ್ನದ ಪದಕವನ್ನು ಪಡೆದುಕೊಂಡಿದ್ದಾರೆ.

ಪಟ್ಟಣ ನಿವಾಸಿ ಹಿರಿಯ ಮುಖಂಡ ಪ್ರಗತಿಪರ ಚಿಂತಕ ಚಾ.ನಂಜುಂಡಮೂರ್ತಿ ಮತ್ತು ಬಿ.ಎಸ್‌.ಯಶೋಧಮ್ಮ ದಂಪತಿಯ ಪುತ್ರಿ ಎನ್‌.ಶಿಲಿನಾಕೋಟೆ ಅವರು, ಜಾನಪದ ಎಂ.ಎ ವಿಭಾಗದಲ್ಲಿ ಚಿನ್ನದ ಪದಕ ಪಡೆಯುವುದರ ಜೊತೆಗೆ ಭರತನಾಟ್ಯ ಪದವಿಯಲ್ಲಿ ಸೀನಿಯರ್‌ ಗ್ರೇಡ್‌ ಮೊದಲನೇ ದರ್ಜೆಯನ್ನು ಸಾಧಿಸಿದ್ದು.

ಮುಕ್ತ ವಿಶ್ವ ವಿದ್ಯಾನಿಲಯದಲ್ಲಿ ಕನ್ನಡ ಎಂ.ಎ ಸಹ ಪಡೆದು ಪ್ರತಿಭಾನ್ವಿತ ವಿದ್ಯಾರ್ಥಿಯಾಗಿ ಹೊರಹೊಮ್ಮಿದ್ದಾರೆ. ಇನ್ನು ಪಿಎಚ್‌ಡಿ ಪದವಿಗಾಗಿ ಶ್ರಮಿಸುತ್ತಿದ್ದಾರೆ. ಚಿನ್ನದ ಪದಕ ಪಡೆಯುವ ಮೂಲಕ ತಾಲೂಕು ಮತ್ತು ಮೈಸೂರು ವಿಶ್ವ ವಿದ್ಯಾನಿಲಯಕ್ಕೆ ಕೀರ್ತಿ ತಂದಿದ್ದಾರೆ. ಮಗಳ ಈ ಸಾಧನೆಗೆ ತಂದೆ ಚಾ.ನಂಜುಂಡಮೂರ್ತಿ ತಾಯಿ ಬಿ.ಎಸ್‌.ಯಶೋಧಮ್ಮ ಹರ್ಷ ವ್ಯಕ್ತಪಡಿಸಿದ್ದಾರೆ.