116 ಮಂದಿ ಇದ್ದ ಮ್ಯಾನ್‌ಮಾರ್‌ ಮಿಲಿಟರಿ ವಿಮಾನ ನಾಪತ್ತೆ

ನೇಪಿಡಾ : ಕನಿಷ್ಠ 116 ಮಂದಿ ಇದ್ದ ಮಿಲಿಟರಿ ವಿಮಾನವೊಂದು ನಾಪತ್ತೆಯಾಗಿದೆ ಎಂದು ಮ್ಯಾನ್‌ಮಾರ್‌ ಸೇನಾ ಮುಖ್ಯಸ್ಥ ಹಾಗೂ ವಿಮಾನ ನಿಲ್ದಾಣ ಮೂಲಗಳು ತಿಳಿಸಿವೆ. 

ವಿಮಾನವು ಯಾಂಗೂನ್‌ನಿಂದ ದಕ್ಷಿಣದ ಮೇಯಿಕ್‌ ನಗರದ ನಡುವೆ ಹಾರುತ್ತಿದ್ದಾಗ ಅದು ನಾಪತ್ತೆಯಾಗಿದೆ. ಶೋಧ ಹಾಗೂ ರಕ್ಷಣಾ ಕಾರ್ಯಾಚರಣೆಗಳು ಜಾರಿಯಲ್ಲಿವೆ ಎಂದು ಸೇನೆ ಹೇಳಿರುವುದನ್ನು ಉಲ್ಲೇಖೀಸಿ ಬಿಬಿಸಿ ವರದಿ ಮಾಡಿದೆ. 

“ಮಧ್ಯಾಹ್ನ  1.35ರ ಹೊತ್ತಿಗೆ ಇದ್ದಕ್ಕಿದ್ದಂತೆಯೇ ವಿಮಾನದೊಂದಿಗಿನ ಸಂಪರ್ಕ ಕಡಿದು ಹೋಯಿತು. ಆಗ ವಿಮಾನವು ದಾವೇ ಪಟ್ಟಣದಿಂದ 20 ಮೈಲು ಪಶ್ಚಿಮವನ್ನು ತಲುಪಿತ್ತು’ ಎಂದು ಸೇನೆ ಹೇಳಿದೆ.