ಕುಂಭ ಮೇಳ ರಸ್ತೆ ಅಗಲೀಕರಣ: ಮುಸ್ಲಿಮರಿಂದ ಮಸೀದಿ ಭಾಗ ತೆರವು

ಅಲಹಾಬಾದ್‌ : ಉತ್ತರ ಪ್ರದೇಶ ಸರಕಾರ ಕುಂಭ ಮೇಳಕ್ಕಾಗಿ ರಸ್ತೆ ಅಗಲಿಸುವ ಯೋಜನೆ ಹಾಕಿಕೊಂಡಿರುವುದನ್ನು ಅನುಸರಿಸಿ ಅಲಹಾಬಾದಿನ ಮುಸ್ಲಿಮರು ಹಳೇ ನಗರದಲ್ಲಿನ ಅನೇಕ ಮಸೀದಿಗಳ ಭಾಗಗಳನ್ನು ತಾವೇ ಖುದ್ದಾಗಿ ಧ್ವಂಸಗೊಳಿಸಲು ಮುಂದಾಗಿದ್ದಾರೆ. 

ನಾವೇ ಸ್ವಯಂಪ್ರೇರಿತರಾಗಿ ಈ ಕ್ರಮ ತೆಗೆದುಕೊಳ್ಳುತ್ತಿದ್ದೇವೆ ಎಂದು ಮುಸ್ಲಿಂ ಸಮುದಾಯದ ಸದಸ್ಯರು ಹೇಳಿದ್ದಾರೆ.

“ನಾವೇ ಮುಂದೆ ನಿಂತು ನಮ್ಮ ಮಸೀದಿಗಳ ಭಾಗಗಳನ್ನು ರಸ್ತೆ ಅಗಲೀಕರಣಕ್ಕಾಗಿ ತೆರವುಗೊಳಿಸುತ್ತಿದ್ದೇವೆ; ಈ ಮಸೀದಿಗಳ ಕೆಲವು ಭಾಗಗಳು ಸರಕಾರಿ ಜಾಗದಲ್ಲಿವೆ. ಕುಂಭ ಮೇಳಕ್ಕಾಗಿ ಸರಕಾರ ರಸ್ತೆ ಅಗಲೀಕರಿಸುವುದನ್ನು ನಾವು ಬೆಂಬಲಿಸುತ್ತೇವೆ’ ಎಂದು ನಗರದ ಮುಸ್ಲಿಂ ನಿವಾಸಿಯೊಬ್ಬರು ಹೇಳಿದರು.