ವರದಿ ಕೊಡುವವರೆಗೆ ಟ್ವಿಟರ್‌ ಖರೀದಿಸಲ್ಲ ಎಂದ ಮಸ್ಕ್

ವಾಷಿಂಗ್ಟನ್‌: ಟ್ವಿಟರ್‌ ಸಂಸ್ಥೆಯನ್ನು ಖರೀದಿಸಲು ಮುಂದಾಗಿರುವ ಟೆಸ್ಲಾ ಸಂಸ್ಥೆಯ ಸಂಸ್ಥಾಪಕ ಎಲಾನ್‌ ಮಸ್ಕ್ ಇದೀಗ ಮತ್ತೂಂದು ಷರತ್ತು ಹಾಕಿದ್ದಾರೆ. ಟ್ವಿಟರ್‌ನಲ್ಲಿ ಎಷ್ಟು ನಕಲಿ ಖಾತೆಗಳಿವೆ ಎನ್ನುವ ಬಗ್ಗೆ ಸ್ಪಷ್ಟ ವರದಿ ಕೊಡುವ ತನಕ ನಾನು ಟ್ವಿಟರ್‌ ಖರೀದಿಸುವುದಿಲ್ಲ ಎಂದು ಅವರು ಹೇಳಿಕೊಂಡಿದ್ದಾರೆ.

ಇತ್ತೀಚೆಗೆ ನಕಲಿ ಖಾತೆಗಳ ಬಗ್ಗೆ ವರದಿ ಕೊಟ್ಟಿದ್ದ ಟ್ವಿಟರ್‌ ಸಂಸ್ಥೆ ಶೇ.5 ಖಾತೆಗಳು ನಕಲಿ ಇವೆ ಎಂದಿತ್ತು. ಆದರೆ ಅದನ್ನು ವಿರೋಧಿಸಿರುವ ಮಸ್ಕ್ ಟ್ವಿಟರ್‌ನಲ್ಲಿ ಶೇ.20 ಖಾತೆ ನಕಲಿ ಇವೆ ಎಂದಿದ್ದಾರೆ. ಹಾಗಾಗಿ ನಿಖರ ವರದಿ ಕೊಡುವಂತೆ ಕೇಳಿದ್ದಾರೆ.

ಮಸ್ಕ್ರ ಈ ಹೊಸ ವರಸೆಯನ್ನು ಅನೇಕರು, ಡೀಲ್‌ ಮೊತ್ತವನ್ನು ಕಡಿಮೆ ಮಾಡುವ ತಂತ್ರ ಎಂದು ಬಣ್ಣಿಸಿದ್ದಾರೆ. ಮಸ್ಕ್ ಟ್ವಿಟರ್‌ನ್ನು 44 ಬಿಲಿಯನ್‌ ಡಾಲರ್‌ ಕೊಟ್ಟು ಖರೀದಿಸುವುದಾಗಿ ಘೋಷಿಸಿದ್ದು, ಆ ಮೊತ್ತವನ್ನು ಕಡಿಮೆ ಮಾಡಲೆಂದು ಈ ರೀತಿ ತಂತ್ರ ಮಾಡುತ್ತಿದ್ದಾರೆ ಎಂದು ಬಣ್ಣಿಸಲಾಗುತ್ತಿದೆ.