Mundargi: ನೀರಿನಲ್ಲಿ ಕೊಚ್ಚಿ ಹೋದ ಬೈಕ್; ಓರ್ವ ಸಾವು

ಮುಂಡರಗಿ: ಗದಗ ಜಿಲ್ಲೆ ಮುಂಡರಗಿ ತಾಲೂಕಿನ ನಾಗರಹಳ್ಳಿ ಬೆಣ್ಣಿಹಳ್ಳಿ ಮದ್ಯೆ ಇರುವ ಹಿರೇಹಳ್ಳದಲ್ಲಿ ಬುಧವಾರ ತಡರಾತ್ರಿ ಬೈಕ್ ಸವಾರ ರವಿವಾರಕುಮಾರ ಕರಿಬಸಪ್ಪ ಸುತಾರಿ ನೀರಿನಲ್ಲಿ ಕೊಚ್ಚಿ ಹೋದ ಘಟನೆ ನಡೆದಿದೆ.

ವಿಜಯನಗರ ಜಿಲ್ಲೆ ಹಗರಿಬೋಮ್ಮನಹಳ್ಳಿ ತಾಲೂಕಿನ ಏಣಗಿ ಬಸಾಪೂರ ಗ್ರಾಮದ ರವಿಕುಮಾರ ಕರಿಬಸಪ್ಪ ಸುತಾರಿ ಮತ್ತು ಮಂಜು ಇರ್ವರು ಹಿರೇಹಳ್ಳದಲ್ಲಿ ಬೈಕನೊಂದಿಗೆ ದಾಟುವಾಗ ಈ ದುರ್ಘಟನೆಯು ಸಂಭವಿಸಿದೆ.

ರವಿಕುಮಾರ ಸುತಾರಿಯ ಮೃತ ದೇಹವು ಸಿಕ್ಕಿದೆ. ಸಹಸವಾರ ಮಂಜು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಈ ಸಂಬಂಧಿ ಗ್ರಾಮಸ್ಥರು ತಾಲೂಕಿನ ನಾಗರಹಳ್ಳಿ ಬೆಣ್ಣಿಹಳ್ಳಿ ಮಧ್ಯೆ ಇರುವ ಹಿರೇಹಳ್ಳಕ್ಕೆ ಮೇಲ್ಸೇತುವೆ ಶೀಘ್ರವೇ ನಿರ್ಮಿಸಲು ಆಗ್ರಹಿಸಿ ರಾಜ್ಯ ಹೆದ್ದಾರಿ ಬಂದ್ ಮಾಡಿ ಪ್ರತಿಭಟನೆಯನ್ನು ನಡೆಸಿದರು.