Mulki: ಮತ್ತೆ ಚಿರತೆ ಪ್ರತ್ಯಕ್ಷ, ಹೆಚ್ಚಿದ ಭೀತಿ

ಮೂಲ್ಕಿ: ಕೆಲವು ಸಮಯದಿಂದ ಮೂಲ್ಕಿ ಪರಿಸರದಲ್ಲಿ ಭೀತಿ ಮೂಡಿಸಿರುವ ಚಿರತೆ ವಿಜಯ ಕಾಲೇಜು ರಸ್ತೆಯ ಕಕ್ವ ರಸ್ತೆ ರಸ್ತೆಯ ತಿರುವಿನ ಬಳಿಯಲ್ಲಿ ಮಂಗಳವಾರ ರಾತ್ರಿ 8.45 ಸುಮಾರಿಗೆ ರಿಕ್ಷಾ ಚಾಲಕರೊಬ್ಬರಿಗೆ ಕಾಣಸಿಕ್ಕಿದೆ ಎಂದು ತಿಳಿದು ಬಂದಿದೆ.

ರಿಕ್ಷಾದಲ್ಲಿ ಮಟ್ಟು ಕಡೆಗೆ ಹೋಗುತ್ತಿದ್ದಾಗ ಉಮಾಮಹೇಶ್ವರ ದೇವಸ್ಥಾನ ಸಮೀಪ ಬೃಹದಾಕಾರದ ಚಿರತೆಯೊಂದು ರಸ್ತೆಗೆ ಹಾರಿ ಯಾವುದೋ ಪ್ರಾಣಿಯನ್ನು ಬೆನ್ನಟ್ಟಿ ಹೋದಂತೆ ಕಂಡು ಬಂದಿದೆ. ಬಳಿಕ ಅದು ಪೊದೆಯೊಳಗೆ ಸೇರಿಕೊಂಡಿರುವುದಾಗಿ ಅವರು ತಿಳಿಸಿದ್ದಾರೆ.