ಅಟಾರ್ನಿ ಜನರಲ್‌ ಹುದ್ದೆ ತಿರಸ್ಕರಿಸಿದ ಮುಕುಲ್‌ ರೋಹಟಗಿ

ನವದೆಹಲಿ: ಮತ್ತೊಮ್ಮೆ ದೇಶದ ಅಟಾರ್ನಿ ಜನರಲ್‌ ಆಗುವಂತೆ ಕೇಂದ್ರ ಸರ್ಕಾರ ಕೊಟ್ಟಿದ್ದ ಆಫ‌ರ್‌ ಅನ್ನು ಹಿರಿಯ ವಕೀಲ ಮುಕುಲ್‌ ರೋಹಟಗಿ ತಿರಸ್ಕರಿಸಿದ್ದಾರೆ.

ಇದಕ್ಕೆ ಅವರು ಯಾವುದೇ ನಿರ್ದಿಷ್ಟ ಕಾರಣ ನೀಡಿಲ್ಲ. ಆದರೆ, ನಾನು ಬಹಳ ಯೋಚಿಸಿಯೇ, ಪ್ರಸ್ತಾಪ ತಿರಸ್ಕರಿಸಿದ್ದೇನೆ ಎಂದು ಹೇಳಿದ್ದಾರೆ.

ಅ.1ರಿಂದಲೇ ನೂತನ ಎಜಿಯಾಗಿ ರೋಹಟಗಿ ಅಧಿಕಾರ ಸ್ವೀಕರಿಸಲಿದ್ದಾರೆ ಎಂದು ಈ ಹಿಂದೆ ವರದಿಯಾಗಿತ್ತು.

2014ರಿಂದ 2017ರವರೆಗೆ ಅವರು ಅಟಾರ್ನಿ ಜನರಲ್‌ ಆಗಿ ಕಾರ್ಯನಿರ್ವಹಿಸಿದ್ದರು.