ಜೈದೇವ್‌ ಉನಾದ್ಕತ್‌ ಬೌಲಿಂಗ್‌ನಲ್ಲಿ ಧೋನಿ “ಶತಕ’ದಾಖಲೆ

ಮುಂಬೈ ಎದುರಿನ ಗುರುವಾರದ ಮುಖಾಮುಖಿ ಯಲ್ಲಿ ಜೈದೇವ್‌ ಉನಾದ್ಕತ್‌ ಓವರ್‌ನಲ್ಲಿ ಮಹೇಂದ್ರ ಸಿಂಗ್‌ ಧೋನಿ ಸಿಡಿದು ನಿಂತು ಚೆನ್ನೈಯನ್ನು ಗೆಲ್ಲಿಸಿದ್ದು ಈಗ ಇತಿಹಾಸ.

ಇದರೊಂದಿಗೆ ಐಪಿಎಲ್‌ನಲ್ಲಿ ಉನಾದ್ಕತ್‌ ಎಸೆತಗಳಲ್ಲಿ ಧೋನಿ 100 ರನ್‌ ಪೂರೈಸಿ ಮತ್ತೊಂದು ಸಾಧನೆಗೈದರು.

ಇದಕ್ಕಾಗಿ ಎದುರಿಸಿದ್ದು 42 ಎಸೆತ ಮಾತ್ರ. ಇದು ನಿರ್ದಿಷ್ಟ ಬೌಲರ್‌ ವಿರುದ್ಧ ಬ್ಯಾಟರ್‌ ಓರ್ವ ಅತೀ ಕಡಿಮೆ ಎಸೆತಗಳಲ್ಲಿ 100 ರನ್‌ ಗಳಿಸಿದ ದಾಖಲೆಯಾಗಿದೆ.

ಇದಕ್ಕೂ ಮುನ್ನ ಚೆನ್ನೈನ ಮಾಜಿ ಆಟಗಾರ ಸುರೇಶ್‌ ರೈನಾ ಮತ್ತು ಎಬಿ ಡಿ ವಿಲಿ ಯರ್ ಹೆಸರಲ್ಲಿ ಈ ದಾಖಲೆ ಇತ್ತು. ಇಬ್ಬರೂ ಸಂದೀಪ್‌ ಶರ್ಮ ಅವರನ್ನು ಟಾರ್ಗೆಟ್‌ ಆಗಿರಿಸಿಕೊಂಡು, ಅವರ 47 ಎಸೆತಗಳಲ್ಲಿ 100 ರನ್‌ ಪೂರ್ತಿಗೊಳಿಸಿದ್ದರು. ಬಳಿಕ ಕೈರನ್‌ ಪೊಲಾರ್ಡ್‌ ಕೂಡ ಈ ದಾಖಲೆಯನ್ನು ಸರಿದೂಗಿಸಿ ದರು. ಅವರು ರವೀಂದ್ರ ಜಡೇಜರ 47 ಎಸೆತಗಳಲ್ಲಿ 100 ರನ್‌ ಗಳಿಸಿದ್ದಾರೆ. ಈಗ ಧೋನಿ ಇವರೆಲ್ಲರನ್ನೂ ಮೀರಿಸಿ ನಿಂತಿದ್ದಾರೆ.