YSR ಕಾಂಗ್ರೆಸ್‌ ತೊರೆದ ಸಂಸದ ರಾಯುಲು; ಪಕ್ಷಕ್ಕೆ ಮತ್ತೆ ಪೆಟ್ಟು

ಹೈದರಾಬಾದ್‌: ಆಂಧ್ರಪ್ರದೇಶದಲ್ಲಿ ಆಡಳಿತಾರೂಢ ವೈಎಸ್‌ಆರ್‌ ಕಾಂಗ್ರೆಸ್‌ಗೆ ಸಂಸದ ಲಾವು ಶ್ರೀಕೃಷ್ಣ ದೇವರಾಯಲು ವಿದಾಯ ಹೇಳಿದ್ದಾರೆ. ಜತೆಗೆ ನರಸರಾವ್‌ಪೇಟ್‌ ಕ್ಷೇತ್ರದ ಸಂಸತ್‌ ಸದಸ್ಯತ್ವಕ್ಕೂ ರಾಜೀನಾಮೆ ನೀಡಿದ್ದಾರೆ. ಅವರನ್ನು ಈ ಬಾರಿ ಗುಂಟೂರಿನಿಂದ ಸ್ಪರ್ಧಿಸುವಂತೆ ಸೂಚಿಸಿದ್ದೇ ಪಕ್ಷ ತೊರೆಯಲು ಕಾರಣ ಎನ್ನಲಾಗುತ್ತಿದೆ.

ಲೋಕಸಭೆ, ವಿಧಾನಸಭೆ ಚುನಾವಣೆ ಹಿನ್ನೆಲೆಯಲ್ಲಿ ಈ ಬೆಳವಣಿಗೆ ನಡೆದಿದೆ. ಇದಕ್ಕೂ ಮುನ್ನ ಮಾಜಿ ಸಂಸದ ಬಾಲಶೌರಿ ವಲ್ಲಭನೇನಿ ಹಾಗೂ ಸಂಸದ ಸಂಜೀವ್‌ ಕುಮಾರ್‌ ಅವರು ಪಕ್ಷ ತೊರೆದಿದ್ದರು.