ಯೋಧರ ಬಲಿದಾನ ಯುವಕರಿಗೆ ಪ್ರೇರಣೆ

ಆಳಂದ: ದೇಶದ ಹುತಾತ್ಮ ಯೋಧರ ತ್ಯಾಗ-ಬಲಿದಾನ ಯುವಕರಿಗೆ ಪ್ರೇರಣೆ ಯಾಗಿದೆ ಎಂದು ಯುವ ಮುಖಂಡ ಬಸವರಾಜ ಯಳಸಂಗಿ ಹೇಳಿದರು.

ತಾಲೂಕಿನ ನಿಂಬರಗಾದಲ್ಲಿ ಶ್ರೀ ಶರಣಬಸವೇಶ್ವರ ನವ ತರುಣ ಸಂಘದ ಆಶ್ರಯದಲ್ಲಿ ಪುಲ್ವಮಾ ಹುತಾತ್ಮ ಯೋಧರ ನೆನಪಿಗಾಗಿ ಹಮ್ಮಿಕೊಂಡಿದ್ದ ಗೌರವಾರ್ಪಣೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಯುವಕರು ದೇಶವನ್ನು ಪ್ರೀತಿಸಬೇಕು. ದುಶ್ಚಟಗಳಿಗೆ ಬಲಿಯಾಗದೇ ದೇಶ ಸೇವೆಯಲ್ಲಿ ತೊಡಗಲು ಮುಂದಾಗ ಬೇಕು. ದೇಶಕ್ಕೆ ಯೋಧರು, ರೈತರ ಕೊಡುಗೆ ಅಪಾರವಾಗಿದೆ ಎಂದು ಹೇಳಿದರು.

ನಂತರ ರಾಷ್ಟ್ರಧ್ವಜ ಹಾರಿಸಿ, ವಂದೇ ಮಾತರಂ, ಭಾರತ ಮಾತಾ ಕೀ ಜೈ ಘೋಷಣೆ ಕೂಗಿ ಹುತಾತ್ಮ ಯೋಧರಿಗೆ ಗೌರವ ಅರ್ಪಿಸಲಾಯಿತು. ಮುಖಂಡರಾದ ಶ್ರೀಶೈಲ ನಿಂಗಶೆಟ್ಟಿ, ಮಲ್ಲಿನಾಥ ನಾಗಶೆಟ್ಟಿ, ಈರಪ್ಪ ನಂದಿ, ಸಿದ್ಧರಾಮ ಬಣಗಾರ, ಅನಿಲ ಮಠಪತಿ, ಈರಣ್ಣ ಶರಣ, ಮಹಾದೇವ ಮಿಟ್ಟೆಕಾರ, ಪ್ರವೀಣ ಮಿಟ್ಟೆಕಾರ ಹಾಗೂ ಮತ್ತಿತರರು ಇದ್ದರು.