ಕಾಫಿನಾಡಿಗೆ ಹೆಚ್ಚಿನ ಅನುದಾನ: ಸೋಮಣ್ಣ

ಕಡೂರು: ಚಿಕ್ಕಮಗಳೂರು ನಗರಕ್ಕೆ 115 ಕೋಟಿ ಮತ್ತು ಜಿಲ್ಲೆಗೆ 700 ಕೋಟಿ ರೂ.ಗೂ ಹೆಚ್ಚಿನ ಅನುದಾನ ನನ್ನ ಇಲಾಖೆಯಿಂದ ನೀಡಿರುವುದಾಗಿ ವಸತಿ ಸಚಿವ ವಿ. ಸೋಮಣ್ಣ ಹೇಳಿದರು.

ಚಿಕ್ಕಮಗಳೂರು ನಗರದಲ್ಲಿ ಮುಖ್ಯಮಂತ್ರಿಗಳ ಕಾರ್ಯಕ್ರಮ ಮುಗಿಸಿ ಬೆಂಗಳೂರಿಗೆ ತೆರಳುವ ಮಾರ್ಗ ಮಧ್ಯೆ ಕಡೂರು ಪಟ್ಟಣದ ದಂತ ವೈದ್ಯ ಡಾ| ದಿನೇಶ್‌ ಅವರ ಕ್ಲಿನಿಕ್ ಗೆ ಭೇಟಿ ನೀಡಿ ಸುದ್ದಿಗಾರರೊಂದಿಗೆ ಅವರು ಮಾತನಾಡಿದರು.

ರಾಜ್ಯದಾದ್ಯಂತ ನನ್ನ ಇಲಾಖೆಯ ಮೂಲಕ ಉತ್ತಮ ಅಭಿವೃದ್ಧಿ ನಡೆದಿದ್ದು ಚಿಕ್ಕಮಗಳೂರು ಜಿಲ್ಲೆಗೆ ಹೆಚ್ಚಿನ ಅನುದಾನ ನೀಡಿದ್ದೇನೆ ಎಂದರು. ನನ್ನ 40 ವರ್ಷಗಳ ಸ್ನೇಹಿತ ಬೀರೂರು ಕೆ.ಬಿ. ಮಲ್ಲಿಕಾರ್ಜುನ್‌ ಅವರನ್ನು ಭೇಟಿ ಮಾಡಲು ಬಂದಿದ್ದೆ. ಅವರ ಆರೋಗ್ಯ ವಿಚಾರಿಸಿ ಮಾತನಾಡಿದೆ.

ಇದನ್ನೂಓದಿ:ಕಾಪು ಗ್ರಾ.ಪಂ ಚುನಾವಣೆ: ಅಂತಿಮ ಹಂತದ ಸಿದ್ಧತೆ, ಕೋವಿಡ್ ಸೋಂಕಿತರಿಗೂ ಮತದಾನಕ್ಕೆ ಅವಕಾಶ

ರಾಜಕಾರಣ ಹರಿಯುವ ನೀರಾಗಿದ್ದು ವಿಚಾರಗಳು ಬೇರೆಯಾಗಿರುತ್ತವೆ. ಇಲ್ಲಿ ಯಾವುದೇ ರಾಜಕೀಯ ವಿಷಯವಿಲ್ಲ. ಸ್ನೇಹ ಮಾತ್ರವಿದೆ. ರಾಜ್ಯ ಅಪೆಕ್ಸ್‌ ಬ್ಯಾಂಕಿನ ಅಧ್ಯಕ್ಷ ಸ್ಥಾನ ಶಾಸಕ ಬೆಳ್ಳಿಪ್ರಕಾಶ್‌ ಅವರಿಗೆ ಒಲಿಯಲಿದೆ ಎಂಬ ಭರವಸೆ ಇದೆ. ಅವರನ್ನು ಗೆಲ್ಲಿಸಿ ಅಧ್ಯಕ್ಷರನ್ನಾಗಿ ಮಾಡಿ ಕಡೂರಿಗೆ ಕಳುಹಿಸುತ್ತೇವೆ ಎಂದರು. ಶಾಸಕ ಬೆಳ್ಳಿಪ್ರಕಾಶ್‌, ಡಾ| ದಿನೇಶ್‌, ಬಳ್ಳೆಕೆರೆ ಶಶಿ ಮತ್ತಿತರರು ಇದ್ದರು.