Mohammed Shami: ಆಸೀಸ್‌ ಸರಣಿಯ 4, 5ನೇ ಟೆಸ್ಟ್‌ನಲ್ಲಿ ವೇಗಿ ಶಮಿ ಆಟ

ನವದೆಹಲಿ: ರಾಷ್ಟ್ರೀಯ ಕ್ರಿಕೆಟ್‌ ಅಕಾಡೆಮಿಯಿಂದ ವೇಗಿ ಮೊಹಮ್ಮದ್‌ ಶಮಿಗೆ ಅತಿ ಶೀಘ್ರ ದೈಹಿಕಕ್ಷಮತೆಯ ಪ್ರಮಾಣಪತ್ರ ದೊರಕಲಿದ್ದು, ಆಸ್ಟ್ರೇಲಿಯಾಕ್ಕೆ ತೆರಳಲು ಸಿದ್ಧವಾಗಿದ್ದಾರೆ ಎಂದು ಮೂಲಗಳು ಹೇಳಿವೆ.

ಡಿ.14ರಂದು ಬ್ರಿಸ್ಬೇನ್‌ನಲ್ಲಿ ಆರಂಭವಾಗುವ 3ನೇ ಟೆಸ್ಟ್‌ ಹೊತ್ತಿಗೇ ಅವರು ಆಸೀಸನ್ನು ತಲುಪಿಕೊಳ್ಳುವ ಸಾಧ್ಯತೆಯಿದೆ. ಡಿ.26ರಿಂದ ಮೆಲ್ಬರ್ನ್ನಲ್ಲಿ ಆರಂಭವಾಗುವ ಬಾಕ್ಸಿಂಗ್‌ ಡೇ ಟೆಸ್ಟ್‌ ಮತ್ತು 5ನೇ ಟೆಸ್ಟ್‌ನಲ್ಲಿ ಅವರು ಆಡುವುದು ಖಚಿತ ಎಂದು ಮೂಲಗಳು ಹೇಳಿವೆ.

ಸದ್ಯ ಶಮಿ ಸೈಯದ್‌ ಮುಷ್ತಾಕ್‌ ಅಲಿ ಪಂದ್ಯಗಳನ್ನು ಮುಗಿಸಲಷ್ಟೇ ಕಾಯುತ್ತಿದ್ದಾರೆ.