ಮೋದಿ ಸರಕಾರ ದೇಶದ ಇತಿಹಾಸದಲ್ಲೇ ಅತ್ಯಂತ ಭ್ರಷ್ಟ, ಕಳಪೆ : ಪ್ರಥ್ವಿರಾಜ್‌ ಚವಾಣ್‌

ಮುಂಬಯಿ : ಹಿರಿಯ ಕಾಂಗ್ರೆಸ್‌ ನಾಯಕ ಪ್ರಥ್ವಿರಾಜ್‌ ಚವಾಣ್‌ ಅವರು ಪ್ರಧಾನಿ ನರೇಂದ್ರ ಮೋದಿ ಸರಕಾರವನ್ನು ತೀವ್ರವಾಗಿ ತರಾಟೆಗೆ ತೆಗೆದುಕೊಂಡಿದ್ದಾರೆ. ಭಾರತೀಯ ಇತಿಹಾಸದಲ್ಲೇ ಮೋದಿ ಸರಕಾರ ಅತ್ಯಂತ ಭ್ರಷ್ಟ; ಆದರ ಕಾರ್ಯ ನಿರ್ವಹಣೆ ಅತ್ಯಂತ ಕಳಪೆ ಮತ್ತು ಕೆಟ್ಟದ್ದು ಎಂದು ಚವಾಣ್‌ ಟೀಕಿಸಿದ್ದಾರೆ.

ಪ್ರಧಾನಿ ಮೋದಿ ಸರಕಾರ ದೇಶದ್ರೋಹದ ಕಾನೂನನ್ನು ತನ್ನ ಟೀಕಾಕಾರರ ವಿರುದ್ಧ ದುರುಪಯೋಗಿಸುತ್ತಿದೆ ಎಂದು ಆರೋಪಿಸಿದ ಚವಾಣ್‌, ರಾಷ್ಟ್ರ ವಿರೋಧಿ ಕೃತ್ಯಗಳು ಮತ್ತು ಸರಕಾರವನ್ನು ವಿರೋಧಿಸುವ ಕೃತ್ಯಗಳನ್ನು ಪ್ರತ್ಯೇಕಿಸಬೇಕೆಂಬುದು ಕಾಂಗ್ರೆಸ್‌ ಅಪೇಕ್ಷೆಯಾಗಿದೆ ಎಂದು ಹೇಳಿದರು.