Advertisement

ದಿನಪೂರ್ತಿ ಅಂಗಡಿಯ ಶೌಚಗೃಹದಲ್ಲಿ ಕಾದು ಕುಳಿತು ಪ್ರೇಯಸಿಗಾಗಿ ಮೊಬೈಲ್‌ ಕದ್ದ ಪ್ರಿಯಕರ

12:58 PM Jul 30, 2022 | Team Udayavani |

ಬೆಂಗಳೂರು: ಪ್ರೇಯಸಿಗಾಗಿ ಮೊಬೈಲ್‌ ಕಳ್ಳತನ ಮಾಡಿದ್ದ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ. ಜೆಪಿ ನಗರದ ನಿವಾಸಿ ಅಬ್ದುಲ್‌ ಮುನಾಫ್ ಬಂಧಿತ. ಆರೋಪಿಯಿಂದ 5 ಲಕ್ಷ ರೂ. ಮೌಲ್ಯದ 6 ಮೊಬೈಲ್‌ ಜಪ್ತಿ ಮಾಡಲಾಗಿದೆ.

Advertisement

ಜು.22ರಂದು ಸಂಜೆ ವೇಳೆ ಗ್ರಾಹಕರ ಸೋಗಿನಲ್ಲಿ ಕ್ರೋಮಾ ಮೊಬೈಲ್‌ ಸ್ಟೋರ್‌ಗೆ ಮುನಾಫ್ ಹೋಗಿದ್ದ. ಮೊಬೈಲ್‌ ಖರೀದಿಸುವುದಾಗಿ ಅಂಗಡಿ ಸಿಬ್ಬಂದಿ ಬಳಿ ಹೇಳಿ ಶೌಚಗೃಹಕ್ಕೆ ಹೋಗಿದ್ದ. ಹೆಚ್ಚಿನ ಜನ ಸಂದಣಿಯಿದ್ದ ಹಿನ್ನೆಲೆಯಲ್ಲಿ ಅಂಗಡಿ ಸಿಬ್ಬಂದಿ ಆತ ಶೌಚಗೃಹಕ್ಕೆ ಹೋಗಿರುವುದನ್ನು ಗಮನಿಸಿರಲಿಲ್ಲ.

ಇದನ್ನೂ ಓದಿ:  ಒಂದು ವೇಳೆ ಮಹಾರಾಷ್ಟ್ರದಲ್ಲಿ ಗುಜರಾತಿಗಳು ಇಲ್ಲದಿದ್ರೆ…ಗವರ್ನರ್ ಕೋಶ್ಯಾರಿ ಹೇಳಿಕೆ ವಿವಾದ

ಅಂಗಡಿ ಬಾಗಿಲು ಹಾಕುವವರೆಗೂ ಶೌಚಗೃಹ ದೊಳಗೆ ಕುಳಿತಿದ್ದ. ಇದಾದ ಬಳಿಕ ಶೌಚಗೃಹದಿಂದ ಹೊರಬಂದ ಮುನಾಫ್, ಅಂಗಡಿಯಲ್ಲಿದ್ದ ಲಕ್ಷಾಂತರ ರೂ. ಮೌಲ್ಯದ ಮೊಬೈಲ್‌ ತಾನು ತಂದಿದ್ದ ಬ್ಯಾಗ್‌ ನೊಳಗೆ ತುಂಬಿದ್ದ. ಮರುದಿನ ಮಾಲೀಕರು ಅಂಗಡಿ ತೆರೆದಾಗ, ಹಿಂದಿನ ಬಾಗಿಲಿನಿಂದ ಪರಾರಿಯಾಗಿದ್ದ. ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಿದ ಜೆಪಿ ನಗರ ಠಾಣೆ ಪೊಲೀಸರು ಆರೋಪಿಯನ್ನು ಬಂಧಿಸಿ ವಿಚಾರಣೆ ನಡೆಸಿದಾಗ, ತನ್ನ ಪ್ರೇಯಸಿಗಾಗಿ ಖರ್ಚು ಮಾಡಲು ನನ್ನ ಬಳಿ ಹಣ ಇರಲಿಲ್ಲ. ಹೀಗಾಗಿ ಮೊಬೈಲ್‌ಕಳ್ಳತನಕ್ಕೆ ಇಳಿದಿರುವುದಾಗಿ ಆರೋಪಿ ಹೇಳಿದ್ದಾನೆ. ಆತನ ಉತ್ತರ ಕೇಳಿ ಪೊಲೀಸರೇ ಒಂದು ಕ್ಷಣ ತಬ್ಬಿಬ್ಟಾಗಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next