“ಮಿಷನ್‌100′: ವಿದ್ಯಾರ್ಥಿಗಳ ಮನೆ ಭೇಟಿ

ಕಾರ್ಕಳ: ತಾಲೂಕಿನ ಎಸೆಸೆಲ್ಸಿ ಫ‌ಲಿತಾಂಶ ಕಾರ್ಯಕ್ರಮದ “ಮಿಷನ್‌100’ಗಾಗಿ ಕಾರ್ಕಳ ಕ್ಷೇತ್ರದಲ್ಲಿ ಎಸೆಸೆಲ್ಸಿ ವಿದ್ಯಾರ್ಥಿಗಳ ಮನೆ, ಮನೆ ಭೇಟಿ ಕಾರ್ಯಕ್ರಮವು ನಡೆಯಿತು.

ಬೆಳ್ಮಣ್‌ ಜಿ. ಪಂ. ಸದಸ್ಯೆ ರೇಶ್ಮಾ ಉದಯ ಕುಮಾರ್‌ ಶೆಟ್ಟಿ ಅವರನ್ನು ಒಳಗೊಂಡ ತಂಡವು ಒಟ್ಟು ಆರು ಪ್ರೌಢ ಶಾಲೆಗಳ 7 ವಿದ್ಯಾರ್ಥಿಗಳ ಮನೆಗಳಿಗೆ ಭೇಟಿ ಕೊಟ್ಟು ಕಲಿಕೆಯ ಬಗ್ಗೆ ಆಸಕ್ತಿ ಮೂಡಿಸಿದರು.

ಕಾರ್ಕಳದ ಕ್ಷೇತ್ರ ಶಿಕ್ಷಣಾಧಿಕಾರಿ ಶಶಿಧರ್‌, ನೋಡಲ್‌ ಅಧಿಕಾರಿ ವೆಂಕಟರಮಣ ಕಲ್ಕೂರ್‌, ಎಂ. ವಿ. ಶಾಸ್ತ್ರಿ ಪ್ರೌಢಶಾಲೆಯ ಮುಖ್ಯ ಶಿಕ್ಷಕ ಪ್ರಕಾಶ್‌ ರಾವ್‌ ಪಿ. ಎನ್‌., ಶ್ರೀ ಭುವನೇಂದ್ರ ಪ್ರೌಢಶಾಲೆಯ ಮುಖ್ಯ ಶಿಕ್ಷಕ ಶ್ರೀಧರ್‌ ಆಚಾರ್‌, ಸಹಕಾರಿ ಪ್ರೌಢಶಾಲೆ ಸೂಡದ ಮುಖ್ಯ ಶಿಕ್ಷಕ ರಿತೇಶ್‌ ಶೆಟ್ಟಿ , ಸೆ„ಂಟ್‌ ಜೋಸೆಫ್ ಪ್ರೌಢಶಾಲೆಯ ಶಾರೀರಿಕ ಶಿಕ್ಷಕ ಹರಿದಾಸ್‌ ಪ್ರಭು, ನಿಟ್ಟೆ ಪ್ರೌಢಶಾಲೆಯ ನಿವೃತ್ತ ಮುಖ್ಯ ಶಿಕ್ಷಕ ಅರವಿಂದ್‌ ಅವರನ್ನು ಒಳಗೊಂಡ ತಂಡವು ಪಡುಬಿದ್ರಿಯ ಕಂಚಿನಡ್ಕದ ಎಂ. ವಿ.ಶಾಸ್ತ್ರಿ ಪ್ರೌಢಶಾಲೆಯ ವಿದ್ಯಾರ್ಥಿ ಅಬ್ದುಲ್‌ ರೆಹಮಾನ್‌ ಮನೆಗೆ ಭೇಟಿ ನೀಡಿದರು. ಇದೇ ತಂಡವು ಸೆ„ಂಟ್‌ ಜೋಸೆಫ್ ಆಂಗ್ಲ ಮಾಧ್ಯಮ ಪ್ರೌಢಶಾಲೆ ಬೆಳ್ಮಣ್‌, ಸರಕಾರಿ ಪ್ರೌಢಶಾಲೆ ಸೂಡಾ, ನಿಟ್ಟೆ ಪ್ರೌಢಶಾಲೆ, ವಿದ್ಯಾವರ್ಧಕ ಕಿರಿಯ ಮಹಾವಿದ್ಯಾಲಯ ಮುಂಡ್ಕೂರು ಪ್ರೌಢಶಾಲೆಗಳ ವಿದ್ಯಾರ್ಥಿಗಳ ಮನೆಗಳಿಗೆ ಭೇಟಿ ನೀಡಿತು.