ಬಿಜೆಪಿಯಲ್ಲಿ ಮಿಸ್‌ಫಿಟ್‌: 9 ತಿಂಗಳ ಬಳಿಕ ಕಾಂಗ್ರೆಸ್‌ಗೆ ಲವ್‌ಲೀ

ಹೊಸದಿಲ್ಲಿ : ಭಾರತೀಯ ಜನತಾ ಪಕ್ಷದಲ್ಲಿ ಒಂಬತ್ತು ತಿಂಗಳ ಕಾಲ ಇದ್ದು ಅದರೊಂದಿಗೆ ಹೊಂದಾಣಿಕೆ ಸಾಧ್ಯವಾಗದೆ ಅರವಿಂದರ್‌ ಸಿಂಗ್‌ ಲವ್‌ಲೀ ಮತ್ತೆ ಕಾಂಗ್ರೆಸನ್ನು ಸೇರಿಕೊಂಡಿದ್ದಾರೆ. ಕಾಂಗ್ರೆಸ್‌ ನಾಯಕ ಅಜಯ್‌ ಮಾಕನ್‌ ಅವರು ಈ ವಿಷಯವನ್ನು ದೃಢೀಕರಿಸಿದ್ದಾರೆ.

“ಸೈದ್ಧಾಂತಿಕವಾಗಿ ನಾನು ಬಿಜೆಪಿಯಲ್ಲಿ ಮಿಸ್‌ಫಿಟ್‌ ಆಗಿದ್ದೆ; ಹಾಗಾಗಿ ಕಾಂಗ್ರೆಸ್‌ಗೆ ಮರಳುವ ನಿರ್ಧಾರ ತೆಗೆದುಕೊಂಡೆ’ ಎಂದು 49ರ ಹರೆಯದ ಮಾಜಿ ದಿಲ್ಲಿ ಶಿಕ್ಷಣ ಮತ್ತು ಸಾರಿಗೆ ಸಚಿವ ಅರವಿಂದರ್‌ ಸಿಂಗ್‌ ಲವ್‌ಲೀ ಹೇಳಿದರು. 

ಅನೇಕ ಕಾಂಗ್ರೆಸ್‌ ನಾಯಕರು ಅರವಿಂದರ್‌ ಸಿಂಗ್‌ ಲವ್‌ಲೀ ಪಕ್ಷಕ್ಕೆ ಮರಳಿರುವುದನ್ನು ಟ್ವಿಟರ್‌ನಲ್ಲಿ ಸ್ವಾಗತಿಸಿ ಅಭಿನಂದಿಸಿದ್ದಾರೆ.