ಅಫ್ಘಾನ್‌ ಸರಕಾರಿ ಕಟ್ಟಡದ ಮೇಲೆ ಉಗ್ರರ ಮುಂದುವರಿದ ಬಾಂಬ್‌ ದಾಳಿ

ಜಲಾಲಾಬಾದ್‌ : ಪೂರ್ವ ಅಫ್ಘಾನಿಸ್ಥಾನದಲ್ಲಿ ಇಂದು ಉಗ್ರರು ಸರಕಾರಿ ಕಟ್ಟಡದ ಮೇಲೆ ಬಾಂಬ್‌ ದಾಳಿ ನಡೆಸಿರುವುದಾಗಿ ವರದಿಯಾಗಿದೆ. 

ಜಲಾಲಾಬಾದ್‌ ದಾಳಿಯಲ್ಲಿ ಕನಿಷ್ಠ ಐವರು ಗಾಯಗೊಂಡಿರುವುದಾಗಿ ನುಂಗರ್‌ಹಾರ್‌ ಪ್ರಾಂತೀಯ ಗವರ್ನರ್‌ ಅತಾಉಲ್ಲಾ ಖೋಗ್ಯಾನಿ ತಿಳಿಸಿದ್ದಾರೆ. ಕಳೆದ ಎರಡೇ ದಿನಗಳಲ್ಲಿ  ಉಗ್ರರು ನಡೆಸಿರುವ ಎರಡನೇ ದಾಳಿಯಾಗಿದೆ. 

ಉಗ್ರರನ್ನು ಸರಕಾರಿ ಕಟ್ಟಡದ ಆವರಣದಿಂದ ಹೊರ ಹಾಕುವ ಮಿಲಿಟರಿ ಕಾರ್ಯಾಚರಣೆ ಈಗ ನಡೆಯುತ್ತಿದೆ ಎಂದವರು ತಿಳಿಸಿದ್ದಾರೆ.