ಸತ್ಯಗೆ 305 ಕೋಟಿ ರೂ. ವೇತನ!

ಸ್ಯಾನ್‌ಫ್ರಾನ್ಸಿಸ್ಕೋ: ಮೈಕ್ರೋ ಸಾಫ್ಟ್ ಸಿಇಒ, ಭಾರತೀಯ ಮೂಲದ ಸತ್ಯ ನಾದೆಳ್ಲ ಅವರ ವಾರ್ಷಿಕ ವೇತನ ಎಷ್ಟಿರ ಬಹುದು? ಬಹಳಷ್ಟು ಮಂದಿ ತಲೆಯಲ್ಲಿ ಇರುವ ಪ್ರಶ್ನೆ ಇದು. ಹಾಗೆಯೇ ಇದೇ ಮಂದಿ ಊಹೆಯನ್ನೂ ಮಾಡಿಕೊಳ್ಳ ಲಾಗದಷ್ಟು ವೇತನವನ್ನು ಸತ್ಯ ನಾದೆಳ್ಲ ಪಡೆಯುತ್ತಿದ್ದಾರೆ ಎಂದರೆ ನಂಬಲೇಬೇಕು…

ಹೌದು, ಸಾಫ್ಟ್ವೇರ್‌ ದೈತ್ಯ ಸಂಸ್ಥೆ ಮೈಕ್ರೋಸಾಫ್ಟ್ನ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿಯಾಗಿ ಕೆಲಸ ಮಾಡುತ್ತಿರುವ ಸತ್ಯ ನಾದೆಳ್ಲ ವಾರ್ಷಿಕವಾಗಿ 305 ಕೋಟಿ ರೂ. ವೇತನ ಪಡೆಯುತ್ತಿದ್ದಾರೆ. ಅಂದರೆ ಮಾಸಿಕ ಸರಿಸುಮಾರು 26 ಕೋಟಿ ರೂ.! ಪ್ರಸಕ್ತ ವರ್ಷದಲ್ಲಿ ನಾದೆಳ್ಲ ಅವರ ಮೂಲ ವೇತನದಲ್ಲಿ ಶೇ. 66ರಷ್ಟು ಏರಿಕೆಯಾಗಿದೆ. ಅದರಂತೆ ಅವರಿಗೆ 7.11 ಕೋಟಿ ರೂ. ಹೆಚ್ಚುವರಿ ವೇತನ ಸಿಕ್ಕಿದೆ ಎಂದು ಮೈಕ್ರೋಸಾಫ್ಟ್ ಸಂಸ್ಥೆ ತಿಳಿಸಿದೆ.

“ಸಂಸ್ಥೆ ಹಾಗೂ ಗ್ರಾಹಕರ ನಡುವಿನ ಅನುಬಂಧವನ್ನು ಹೆಚ್ಚಿಸಿದ ಸತ್ಯ ಅವರು ಕಂಪೆನಿಯನ್ನು ಹೊಸ ದಿಕ್ಕಿನೆಡೆಗೆ ಕೊಂಡೊಯ್ದಿದ್ದಾರೆ. ಕಂಪೆನಿಯ ಒಳಗೂ ಔದ್ಯೋ ಗಿಕ ಮನೋಭಾವವನ್ನು ಹೆಚ್ಚಿಸಿ, ಹೊಸ ತಂತ್ರಜ್ಞಾನ, ಉತ್ಪನ್ನಗಳ ಆಲೋಚನೆ ಗಳನ್ನು ಅನುಷ್ಠಾನಗೊಳಿಸಿ, ಮಾರುಕಟ್ಟೆ ಯನ್ನೂ ವಿಸ್ತರಿಸುವಲ್ಲಿ ಅಗಾಧ ಪರಿಶ್ರಮ ವಹಿಸಿದ್ದಾರೆೆ’ ಎಂದು ಸಂಸ್ಥೆ ಸತ್ಯ ಅವರನ್ನು ಶ್ಲಾ ಸಿದೆ.

599 ಕೋಟಿ ರೂ. ಪಡೆದಿದ್ದ ಸತ್ಯ!
2014ರಲ್ಲಿ ಸ್ಟೀವ್‌ ಬಾಲ್ಮರ್‌ರಿಂದ ಸಂಸ್ಥೆಯ ಆಡಳಿತ ಚುಕ್ಕಾಣಿ ಹಿಡಿದ ಸತ್ಯ, ಮೊದಲ ವರ್ಷದಲ್ಲಿ 599 ಕೋಟಿ ರೂ.ಗಳನ್ನು ವೇತನ ರೂಪದಲ್ಲಿ ಪಡೆದಿದ್ದರು. ಅದು ಅವರ ಆವರೆಗಿನ ವೃತ್ತಿಜೀವನದ ಅತೀ ಹೆಚ್ಚು ವೇತನವಾಗಿತ್ತು.

ಎಲಾನ್‌ ಮಾಸ್ಕ್ಗೆ 3,651 ಕೋ. ವೇತನ
ಭಾರತೀಯರಿಗೆ ಸತ್ಯ ನಾದೆಳ್ಲ ವೇತನ ಹೆಚ್ಚೇ ಅನಿಸಬಹುದು. ಆದರೆ ಜಗತ್ತಿನಲ್ಲೇ ಅತೀ ಹೆಚ್ಚು ವೇತನ ಪಡೆಯುವ ಸಿಇಒ ಎಲಾನ್‌ ಮಾಸ್ಕ್. ಟೆಸ್ಲಾ ಕಂಪೆನಿಯ ಸಿಇಒ ಆಗಿರುವ ಮಾಸ್ಕ್ಗೆ ವಾರ್ಷಿಕವಾಗಿ 3,651 ಕೋಟಿ ರೂ. ವೇತನವಿದೆ.