ದೇಶಿಯ ಮಾರುಕಟ್ಟೆಯಲ್ಲಿ ಎಂಜಿ ಝೆಡ್ಎಸ್‌ ಇವಿ ಕಾರಿನ ದರ್ಬಾರ್‌

ಹೊಸದಿಲ್ಲಿ: ದೇಶದಲ್ಲಿ ಅಲ್ಪಾವಾಧಿಯಲ್ಲಿ ಯಶಸ್ಸು ಕಂಡ ಬ್ರಿಟಿಷ್‌ ನ್ಪೋಟ್ಸ…ì ವಾಹನ ತಯಾರಕ ಕಂಪನಿಯಾದ ಮೋರಿಸ್‌ ಗ್ಯಾರೇಜಸ್‌ (ಎಂಜಿ) ಮೋಟಾರ್ಸ್‌ ಇಂಡಿಯಾ, ಗುರುವಾರ ಎಲೆಕ್ಟ್ರಿಕ್‌ ಇಂಟರ್‌ನೆಟ್‌ ಎಸ್‌ಯುವಿ ಝೆಡ್ಎಸ್‌ ಇವಿ ಕಾರು ಅನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದೆ. ಎಂಜಿ ಹೆಕ್ಟರ್‌ ಎಸ್‌ಯುವಿ ಕಾರಿನ ಯಶಸ್ಸು ಕಂಡ ಬೆನ್ನಲ್ಲೇ ಎಂಜಿ ಝೆಡ್ಎಸ್‌ ಎಲೆಕ್ಟ್ರಿಕ್‌ ಕಾರನ್ನು ಅನಾವರಣ ಮಾಡಿದೆ. ಈಗಾಗಲೇ ಮಾರುಕಟ್ಟೆಯಲ್ಲಿ ಬುಕ್ಕಿಂಗ್‌ ಪ್ರಕ್ರಿಯೆ ಆರಂಭಗೊಂಡಿದ್ದು, ಜನವರಿ 27 ನಂತರ ದೇಶದ 5 ಪ್ರಮುಖ ನಗರಗಳಲ್ಲಿ ಬುಕ್ಕಿಂಗ್‌ ಪ್ರಕ್ರಿಯೆಗಳು ಆರಂಭವಾಗಲಿದೆ.

ಝೆಡ್ಎಸ್‌ ಇವಿ 23.58 ಲಕ್ಷ ರೂ. ಬದಲಿಗೆ 20.88 ಲಕ್ಷ ರೂ. ಗಳಲ್ಲಿ ಲಭ್ಯವಾಗಲಿದೆ ಎಂದು ಕಂಪನಿ ಪಪ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ. ಗ್ರಾಹಕರಿಗೆ ಅತ್ಯುತ್ತಮ ಮಾಲೀಕತ್ವದ ಅನುಭವ ಒದಗಿಸುವ ಭಾಗವಾಗಿ ಎಂಜಿ ಇ-ಶೀಲ್ಡ… ಅನ್ನು ಹೊಸದಾಗಿ ಪರಿಚಯಿಸಲಾಗಿದ್ದು, ಎಂಜಿ ಎಲೆಕ್ಟ್ರಿಕ್‌ ಕಾರು ಖರೀದಿಸುವ ಗ್ರಾಹಕರಿಗೆ 5 ವರ್ಷ ವಾರೆಂಟಿ, ಪ್ಲಸ್‌ 3 ವರ್ಷ ವಿಸ್ತರಣೆ ಅಥವಾ 1.5 ಲಕ್ಷ ಕಿ.ಮಿ ಬ್ಯಾಟರಿ ವಾರೆಂಟಿ ನೀಡಲಿದೆ. ಇದರ ಜೊತೆಗೆ 5 ವರ್ಷ ರೋಡ್‌ ಅಸಿಸ್ಟೆಂಟ್‌ ಕೂಡ ಸಿಗಲಿದೆ ಎಂದು ಕಂಪನಿ ಅಧಿಕೃತ ಮೂಲಗಳು ಹೇಳಿದೆ. ಮೊದಲು ಬುಕ್‌ ಮಾಡುವ 1000 ಗ್ರಾಹಕರಿಗೆ ವಿಶೇಷ ಕೊಡುಗೆ ನೀಡಲು ಮುಂದಾಗಿದ್ದು, ಮೊದಲ 5 ಲೇಬರ್‌ ಸರ್ವಿಸ್‌ ಉಚಿತವಾಗಿ ಮಾಡಲಾಗುತ್ತದೆ ಎಂದು ಎಂಜಿ ಮೋಟಾರ್ಸ್‌ ಘೋಷಿಸಿದೆ.

ಈ ನಗರಗಳಲ್ಲಿ ಲಭ್ಯ
ಬೆಂಗಳೂರು, ದೆಹಲಿ, ಮುಂಬೈ, ಅಹಮ್ಮದಾಬಾದ್‌ ಹಾಗೂ ಹೈದರಾಬಾದ್‌ ಒಟ್ಟು 5 ನಗರಗಳಲ್ಲಿ ಎಂಜಿ ಝೆಡ್ಎಸ್‌ ಇವಿ ಕಾರು ಲಭ್ಯವಿದ್ದು, ಈ ನಗರಗಳಲ್ಲಿ ಮಾತ್ರ ಬುಕಿಂಗ್‌ ಅವಕಾಶ ನೀಡಲಾಗಿದೆ.