ಪಾಕಿಸ್ಥಾನದ‌ಲ್ಲಿ ಮತಾಂತರ, ಅಪಹರಣಕ್ಕೆ ಭಾರೀ ವಿರೋಧ

ಕರಾಚಿ: ಅಪಹರಣ, ಬಲವಂತದ ಮತಾಂತರ, ಅಪ್ರಾಪ್ತ ವಯಸ್ಕ ಯುವತಿಯರನ್ನು ಬಲವಂತವಾಗಿ ಮದುವೆಯಾಗುವುದು ಸೇರಿದಂತೆ ಅಲ್ಪಸಂಖ್ಯಾತ ಹಿಂದೂಗಳ ಮೇಲೆ ನಡೆಯುತ್ತಿರುವ ದಬ್ಟಾಳಿಕೆ ವಿರುದ್ಧ; ಪಾಕಿಸ್ಥಾನದ ಸಿಂಧ್‌ ವಿಧಾನಸಭೆ ಕಟ್ಟಡದ ಎದುರು ಮಾ.30ರಂದು ಹಿಂದೂ ಸಮುದಾ ಯುವು ಬೃಹತ್‌ ರ‍್ಯಾಲಿ ಆಯೋಜಿಸಿದೆ.

ಪಾಕಿಸ್ಥಾನದಲ್ಲಿ ಅಲ್ಪಸಂಖ್ಯಾತರ ಹಕ್ಕುಗಳಿಗಾಗಿ ಹೋರಾಡುತ್ತಿರುವ “ಪಾಕಿಸ್ತಾನ್‌ ದಾರಾ ವರ್‌ ಇತ್ತೆಹಾದ್‌’ ವತಿಯಿಂದ ಈ ರ‍್ಯಾಲಿ ಆಯೋಜಿಸಲಾಗಿದೆ. ಇದರಲ್ಲಿ ಹಿಂದೂ ಸಮುದಾಯದ ಅನೇಕ ನಾಯಕರು ಭಾಗಿ ಯಾಗಲಿದ್ದಾರೆ. ರ‍್ಯಾಲಿ ಕುರಿತು ಸೋಮವಾರ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟರ್‌ ಬಿಡುಗಡೆಗೊಳಿಸಲಾಯಿತು.

ಈ ಕುರಿತು ಮಾಹಿತಿ ನೀಡಿದ ಪಾಕಿಸ್ತಾನ್‌ ದಾರಾವರ್‌ ಇತ್ತೆಹಾದ್‌ ಅಧ್ಯಕ್ಷ ಫ‌ಕರ್‌ ಶಿವ ಕೂಚಿ, “ಹಿಂದೂ ಸಮುದಾಯದವರ ಅಪಹರಣಗಳು, ಬಲವಂತದ ಮತಾಂತರ, ಮಹಿಳೆಯರು ಮತ್ತು ಬಾಲಕಿಯರ ನಕಲಿ ಮದುವೆಗಳ ಬಗ್ಗೆ ಪಾಕ್‌ ಸರಕಾರ ಕುರುಡಾಗಿದೆ.

ಈ ಬಗ್ಗೆ ಅರಿವು ಮೂಡಿಸಲು ರ‍್ಯಾಲಿ ಆಯೋಜಿಸಲಾಗಿದೆ. ಅಲ್ಲದೇ ಬಲವಂತದ ಮತಾಂತರ ಮತ್ತು ಮದುವೆಗಳ ವಿರುದ್ಧ ಕಠಿಣ ಕಾನೂನು ತರಬೇಕೆಂಬುದು ನಮ್ಮ ಆಗ್ರಹ’ ಎಂದು ತಿಳಿಸಿದ್ದಾರೆ.