ಯಾರನ್ನೂ ರಕ್ಷಣೆ ಮಾಡಿಲ್ಲ

ಸ್ಯಾನ್‌ಫ್ರಾನ್ಸಿಸ್ಕೋ: ಲೈಂಗಿಕ ಕಿರುಕುಳ ವಿರುದ್ಧ ವಿಶ್ವಾದ್ಯಂತ ಮಿ ಟೂ ಅಭಿಯಾನ ಸದ್ದು ಮಾಡುತ್ತಿರುವಂತೆಯೇ ಇಂಟರ್‌ನೆಟ್‌ ದೈತ್ಯ ಗೂಗಲ್‌ 2 ವರ್ಷಗಳ ಅವಧಿಯಲ್ಲಿ ಅಂಥ ಆರೋಪಕ್ಕೆ ಗುರಿಯಾಗಿ ರುವ 48 ಮಂದಿಯನ್ನು  ಸಂಸ್ಥೆಯಿಂದ ತೆಗೆದು ಹಾಕಿದೆ ಎಂದು ಸ್ಪಷ್ಟನೆ ನೀಡಿದೆ.

ಈ ಪೈಕಿ 13 ಮಂದಿ ಹಿರಿಯ ಅಧಿಕಾರಿಗಳೇ ಸೇರಿದ್ದಾರೆ ಎಂದು ಗೂಗಲ್‌ ಸಿಇಒ ಸುಂದರ್‌ ಪಿಚೈ ತಿಳಿಸಿದ್ದಾರೆ. “ಲೈಂಗಿಕ ಕಿರುಕುಳ ಆರೋಪಕ್ಕೆ ಗುರಿಯಾಗಿರುವವರನ್ನು ಗೂಗಲ್‌ ರಕ್ಷಿಸುತ್ತಿದೆ. ವಿಶೇಷವಾಗಿ ಇಂಥ ಆರೋಪಕ್ಕೆ ಗುರಿಯಾಗಿರುವ ಆ್ಯಂಡ್ರಾಯ್ಡ ಸೃಷ್ಟಿಕರ್ತ ಆ್ಯಂಡಿ ರೂಬಿನ್‌ಗೆ 6,607 ಕೋಟಿ ರೂ. (90 ಮಿಲಿಯನ್‌ ಡಾಲರ್‌) ಮೊತ್ತ ಪರಿಹಾರ ರೂಪದಲ್ಲಿ ನೀಡಲಾಗಿದೆ ಎಂಬ ವರದಿ ಹಿನ್ನೆಲೆಯಲ್ಲಿ ಪಿಚೈ ಈ ಹೇಳಿಕೆ ಬಿಡುಗಡೆ ಮಾಡಿ ದ್ದಾರೆ.  

ಕಿರುಕುಳದ ದೂರು
ಮುಂಬೈ:  ಬಾಲಿವುಡ್‌ನ‌ಲ್ಲಿ ನಿರ್ಮಾಣವಾಗುತ್ತಿರುವ “ಹೌಸ್‌ಫ‌ುಲ್‌ 4′ ಚಿತ್ರದ ತಮ್ಮ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಲಾಗಿದೆ  ಎಂದು ಮುಂಬೈನ ಅಬೋಲಿ ಪೊಲೀಸ್‌ ಚಿತ್ರದ ಸಹನಟಿಯೊಬ್ಬರು ದೂರು ದಾಖಲಿಸಿದ್ದಾರೆ. “”ಗುರುವಾರ ರಾತ್ರಿ ಅಂಬೋಲಿಯಲ್ಲಿರುವ ಚಿತ್ರಕೂಟ ಸ್ಟುಡಿಯೊದಲ್ಲಿ ಚಿತ್ರದ ಚಿತ್ರೀಕರಣ ಸಾಗುತ್ತಿದ್ದಾಗ ಆಗಮಿಸಿದ ಯುವಕರ ಗುಂಪೊಂದು ಸಹನಟಿಯ ಜತೆಯಲ್ಲಿದ್ದ ನನ್ನ ಸ್ನೇಹಿತನ ಮೇಲೆ ಹಲ್ಲೆಗೆ ಮುಂದಾಯಿತು. ಇದನ್ನು ತಡೆಯಲು ನಟಿ ಆಗಮಿಸಿದಾಗ ನನ್ನ ಮೇಲೂ ಹಲ್ಲೆ ನಡೆಸಿದ್ದಲ್ಲದೆ, ನನ್ನೊಂದಿಗೆ ಅಸಭ್ಯವಾಗಿ ವರ್ತಿಸಲಾಯಿತು” ಎಂದು ನಟಿ ದೂರಿನಲ್ಲಿ ಉಲ್ಲೇಖೀಸಿದ್ದಾರೆಂದು ಪೊಲೀಸರು ತಿಳಿಸಿದ್ದಾರೆ.