Manipal ಹಾಸ್ಪಿಟಲ್ಸ್‌ ಪಾಲಾದ ಮೆಡಿಕಾ ಸಿನರ್ಜಿ

ಹೊಸದಿಲ್ಲಿ: ಭಾರತದ 2ನೇ ಅತೀದೊಡ್ಡ ಹಾಸ್ಪಿಟಲ್‌ ಚೈನ್‌ ಆಗಿರುವ “ಮಣಿಪಾಲ್‌ ಹಾಸ್ಪಿಟಲ್ಸ್‌’ ಕೋಲ್ಕತಾ ಮೂಲದ “ಮೆಡಿಕಾ ಸಿನರ್ಜಿ’ಯನ್ನು ಸ್ವಾಧೀನ ಪಡಿಸಿಕೊಳ್ಳಲಿದೆ. ಈ ಆಸ್ಪತ್ರೆಯಲ್ಲಿನ ಶೇ.87ರಷ್ಟು ಷೇರು ಸ್ವಾಧೀನ ಮಾಡಿಕೊಳ್ಳುವುದಾಗಿ ಘೋಷಿಸಿದೆ.

ಕೆಲವು ಸಾಂಪ್ರದಾಯಿಕ ಪ್ರಕ್ರಿಯೆಗಳ ಅನಂತರ ಸ್ವಾಧೀನ ಶೀಘ್ರದಲ್ಲೇ ಪೂರ್ಣ ಗೊಳ್ಳುವ ನಿರೀಕ್ಷೆಯಿದೆ. ಈ ಸ್ವಾಧೀನವು ಮಣಿಪಾಲ್‌ ಹಾಸ್ಪಿಟಲ್ಸ್‌ ಪೂರ್ವ ಭಾರತದಲ್ಲಿ ಈ ಪ್ರದೇಶದ ಪ್ರಮುಖ ಆಸ್ಪತ್ರೆ ಸರಪಳಿಯಾಗಿ ಅಸ್ತಿತ್ವವನ್ನು ವಿಸ್ತರಿ ಸುವ ತಂತ್ರಕ್ಕೆ ಅನುಗುಣವಾಗಿದೆ. ಕ್ಲಿನಿಕಲ್‌ ಪರಿಣತಿಯನ್ನು ಹೆಚ್ಚಿಸುವ ಮೂಲಕ ಮತ್ತು ಮೆಡಿಕಾ ಸಿನರ್ಜಿಯ ಮೂಲಸೌಕರ್ಯದೊಂದಿಗೆ, ಅದರ ವ್ಯಾಪಕ ನೆಟ್‌ವರ್ಕ್‌ ಸಂಯೋಜಿತ ಕಾರ್ಯಾಚರಣೆಗಳೊಂದಿಗೆ, ಪೂರ್ವ ಭಾರತದಲ್ಲಿ ಉತ್ತಮ ಗುಣಮಟ್ಟದ ಆರೋಗ್ಯ ಸೇವೆಗಳಿಗೆ ಹೆಚ್ಚುತ್ತಿರುವ ಬೇಡಿಕೆಯನ್ನು ಪೂರೈಸಲು ನೆರವಾ ಗಲಿದೆ ಎಂದು ಅಧಿಕೃತ ಪ್ರಕಟನೆಯಲ್ಲಿ ತಿಳಿಸಲಾಗಿದೆ. ಮೆಡಿಕಾ ಸಿನರ್ಜಿ ಸ್ವಾಧೀ ನ ದೊಂದಿಗೆ ಮಣಿಪಾಲ್‌ ಹಾಸ್ಪಿಟ್ಸಲ್ಸ್‌, 14 ರಾಜ್ಯಗಳ 19 ನಗರಗಳಲ್ಲಿರುವ 37 ಆಸ್ಪತ್ರೆಗಳು ವಾರ್ಷಿಕ 70 ಲಕ್ಷ ರೋಗಿಗಳಿಗೆ ಚಿಕಿತ್ಸೆ ನೀಡತ್ತದೆ.