ಮುಂಬಯಿಯ ಕಾಲಾಚೌಕಿ ಗೋದಾಮಿನಲ್ಲಿ ಭಾರೀ ಬೆಂಕಿ

ಮುಂಬಯಿ : ನಗರದ ಕಾಲಾಚೌಕಿ ಪ್ರದೇಶದಲ್ಲಿ ಇಂದು ಮಂಗಳವಾರ ಬೆಳಗ್ಗೆ ಗೋದಾಮೊಂದರಲ್ಲಿ ಭಾರೀ ದೊಡ್ಡ  ಬೆಂಕಿ ಅನಾಹುತ ಸಂಭವಿಸಿದ ವರದಿಯಾಗಿದೆ. ಆಗಸದದಲ್ಲಿ ಬಹು ಎತ್ತರಕ್ಕೆ ದಟ್ಟನೆಯ ಕಪ್ಪು ಹೊಗೆ ಚಿಮ್ಮುತ್ತಿರುವುದು ಕಂಡು ಬರುತ್ತಿದೆ. 

ಬೆಂಕಿಯನ್ನು ನಂದಿಸಲು 16 ಅಗ್ನಿ ಶಾಮಕಗಳನ್ನು, 12 ಜಂಬೋ ಟ್ಯಾಂಕರ್‌ಗಳನ್ನು ಬಳಸಲಾಗಿದೆ. ಮೇಲಾಗಿ ಬೆಂಕಿ ಹರಡದಂತೆ ಮಾಡಲು ಆರು ಜೆಟ್‌ಗಳನ್ನು ಕೂಡ ಬಳಸಲಾಗಿದೆ.

ಬೆಂಕಿ ಅವಘಡ ಸಂಭವಿಸಿರುವ ಗೋದಾಮಿನ ಆಸುಪಾಸಿನಲ್ಲಿ ವಸತಿ ಕಟ್ಟಡಗಳಿವೆ. ಮುನ್ನೆಚ್ಚರಿಕೆಯ ಕ್ರಮವಾಗಿ ಆ ಕಟ್ಟಡಗಳಿಂದ ಜನರನ್ನು ಸುರಕ್ಷಿತವಾಗಿ ಸ್ಥಳಾಂತರಿಸಲಾಗಿದೆ.

ಈ ವರೆಗಿನ ವರದಿಗಳ ಪ್ರಕಾರ ಈ ಬೆಂಕಿ ಅವಘಡದಲ್ಲಿ ಜೀವಹಾನಿಯಾಗಿಲ್ಲ; ಯಾರೂ ಗಾಯಗೊಂಡಿಲ್ಲ.

ಬೆಂಕಿ ಅವಘಡ ಸಂಭವಿಸಿರುವ ಗೋದಾಮನ್ನು ತಲುಪುವ ರಸ್ತೆಯನ್ನು ಪೊಲೀಸರು ಮುನ್ನೆಚ್ಚರಿಕೆ ಕ್ರಮವಾಗಿ ಬಂದ್‌ ಮಾಡಿದ್ದಾರೆ. ಹೆಚ್ಚಿನ ವಿವರಗಳನ್ನು ನಿರೀಕ್ಷಿಸಲಾಗಿದೆ.