ಮಾ.4: ಸೋಂದಾಶ್ರೀ ಮುಂಬಯಿ  ಭೇಟಿ

ಮುಂಬಯಿ: ಉತ್ತರ ಕನ್ನಡ ಜಿಲ್ಲೆಯ ಶಿರಸಿ ಸೋಂದಾಶ್ರೀ ಸ್ವರ್ಣವಲ್ಲಿ ಮಹಾಸಂಸ್ಥಾನದ ಜಗದ್ಗುರು ಶಂಕರಾಚಾರ್ಯ ಶ್ರೀಮದ್‌ ಗಂಗಾಧರೇಂದ್ರ ಸರಸ್ವತಿ  ಸ್ವಾಮೀಜಿ ಅವರು ಮಾ. 4ರಂದು  ಸಂಜೆ ಮಹಾನಗರ ಮುಂಬಯಿಗೆ ಪಾದಾರ್ಪಣೆಗೈಯಲ್ಲಿದ್ದು, ಮಾ. 11 ರವರೆಗೆ ಮಾಟುಂಗ ಪೂರ್ವದ ಶ್ರೀ ಶಂಕರ ಮಠದಲ್ಲಿ ಮೊಕ್ಕಾಂ ಹೂಡಲಿದ್ದಾರೆ.

ಈ ಸಂದರ್ಭದಲ್ಲಿ ವಿವಿಧ ಧಾರ್ಮಿಕ  ಕಾರ್ಯಕ್ರಮಗಳು ಜರಗಲಿದ್ದು, ಮಾ. 4ರಂದು ಸಂಜೆ 4.30ಕ್ಕೆ ಶ್ರೀಗಳನ್ನು  ಪೂರ್ಣಕುಂಭ ಸ್ವಾಗತದೊಂದಿಗೆ ಬರಮಾಡಿಕೊಳ್ಳಲಾಗುವುದು. ಮಾ. 5 ರಿಂದ ಮಾ. 11ರ  ತನಕ ಪ್ರತಿದಿನ ಮುಂಜಾನೆ 8ರಿಂದ ಶ್ರೀಗಳಿಂದ ಕುಂಕುಮಾರ್ಚನೆ, ಪ್ರತಿದಿನ ಬೆಳಗ್ಗೆ 9 ರಿಂದ ಪಾದಪೂಜೆ, ಮಧ್ಯಾಹ್ನ 1.30 ರಿಂದ ಭಿûಾಸೇವೆ (ಮಾ. 8 ಏಕಾದಶಿ ಹೊರತುಪಡಿಸಿ), ಮಾ. 4  ಮತ್ತು ಮಾ. 5 ರಂದು ಸಂಜೆ 

5ರಿಂದ ಭಗವದ್ಗೀತಾ ಪ್ರವಚನ ನಡೆಯಲಿದೆ.ಈ ಎಲ್ಲಾ ಧಾರ್ಮಿಕ ಕಾರ್ಯಕ್ರಮ ಗಳಲ್ಲಿ ಮಹಾನಗರದಾದ್ಯಂತದ ಎಲ್ಲಾ ಭಕ್ತಾದಿಗಳು, ಹಿತೈಷಿಗಳು ಪಾಲ್ಗೊಂಡು ಶ್ರೀಗಳ ದರ್ಶನ ಪಡೆಯಲು ಹಾಗೂ ಭಿûಾಸೇವೆ, ಪಾದಪೂಜೆ, ಕುಂಕುಮಾರ್ಚನೆ ಮತ್ತು ಇತರ ಅನೇಕ ಸೇವೆಗಳಿಗೆ ಭಕ್ತರಿಗೆ ಅವಕಾಶ ನೀಡಲಾಗಿದೆ. ಹೆಚ್ಚಿನ ಮಾಹಿತಿಗಾಗಿ ವಿ. ಎನ್‌. ಹೆಗಡೆ (9869007333), ವಸಂತ್‌ ಭಟ್‌ (9867307715), ಕೆ. ಸಿ. ಹೆಗಡೆ (9869074115), ಸುರೇಶ ಹೆಗಡೆ (9833910140), ಡಾ| ಎಸ್‌. ಆರ್‌. ನಾಯ್ಕ (8454075898), ಮಧುಕರ ನಾಯ್ಕ (9821250228), ಅಶೋಕ ನಾಯ್ಕ (9930528298) ಅವರನ್ನು ಸಂಪರ್ಕಿಸುವಂತೆ ಶ್ರೀ  ಸ್ವರ್ಣವಲ್ಲಿ ಸೇವಾ ಸಮಿತಿ ಮುಂಬಯಿ ಇದರ ಪ್ರಕಟನೆ ತಿಳಿಸಿದೆ.