Mantralayam: ತುಂಗಭದ್ರಾ ನದಿಯಲ್ಲಿ ಮಂತ್ರಾಲಯ ಶ್ರೀಗಳಿಂದ ದಂಡೋದಕ ಸ್ನಾನ

ರಾಯಚೂರು: ಕಾರ್ತಿಕ ಶುದ್ಧ ತ್ರಯೋದಶಿಯ ಪ್ರಯುಕ್ತ ಮಂತ್ರಾಲಯದ ಶ್ರೀ ರಾಘವೇಂದ್ರ ಸ್ವಾಮಿ ಮಠದ ಪೀಠಾಧಿಪತಿ ಶ್ರೀ ಸುಬುಧೇಂದ್ರ ತೀರ್ಥರು ತುಂಗಭದ್ರಾ ನದಿಯಲ್ಲಿ ಗುರುವಾರ (ನ.14) ಬೆಳಗ್ಗೆ ದಂಡೋದಕ ಸ್ನಾನ ನೆರವೇರಿಸಿದರು.

ಭಕ್ತರೊಟ್ಟಿಗೆ ನದಿಯಲ್ಲಿ ಇಳಿದು ಧಾರ್ಮಿಕ ವಿಧಿವಿಧಾನಗಳೊಂದಿಗೆ ದಂಡೋದಕ ಸ್ನಾನ ನೆರವೇರಿಸಿದರು. ಇದರ ಬೆನ್ನಲ್ಲೇ ತುಂಗಭದ್ರೆಯ ಪ್ರಶಾಂತ ದಡದಲ್ಲಿ 6ನೇ ಬ್ಯಾಚ್‌ನ ವಿದ್ಯಾರ್ಥಿಗಳಿಗೆ ಶ್ರೀಮನ್ಯಾಯಸುಧಾ ಪೂರ್ವಭಾವಿ ಪರೀಕ್ಷೆಯನ್ನು ಸ್ವಾಮೀಜಿ ಕೈಗೊಂಡರು.