Mann Ki Baat; ಜೂ.30ರಿಂದ ಮತ್ತೆ ಮನ್‌ ಕೀ ಬಾತ್‌ ಪುನಾರಂಭ

ನವದೆಹಲಿ: ಚುನಾವಣೆ ನಿಮಿತ್ತ 3 ತಿಂಗಳಿಂದ ನಿಂತು ಹೋಗಿದ್ದ ಪ್ರಧಾನಿ ನರೇಂದ್ರ ಮೋದಿಯವರ “ಮನ್‌ ಕೀ ಬಾತ್‌’ ರೇಡಿಯೋ ಕಾರ್ಯಕ್ರಮ, ಜೂ.30ರಿಂದ ಮತ್ತೆ ಆರಂಭವಾಗಲಿದೆ.

ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, ಚುನಾವಣೆ ಕಾರಣ ಕೆಲ ತಿಂಗಳು ನಿಂತು ಹೋಗಿದ್ದ ಮನ್‌ ಕೀ ಬಾತ್‌ ಮತ್ತೆ ಆರಂಭವಾಗಲಿದೆ. ನಿಮ್ಮ ಅಭಿಪ್ರಾಯ, ಯೋಚನೆಗಳನ್ನು ಮೈಗವ್‌ ಓಪನ್‌ ಫೋರಮ್‌, ನಮೋ ಆ್ಯಪ್‌ನಲ್ಲಿ ಹಾಕಿ ಅಥವಾ 1800117800 ಸಂಖ್ಯೆಗೆ ಕರೆ ಮಾಡಿ ನಿಮ್ಮ ಸಂದೇಶವನ್ನು ರೆಕಾರ್ಡ್‌ ಮಾಡಿ ಎಂದು ಹೇಳಿದ್ದಾರೆ.

ಮೋದಿ ಮನ್‌ ಕೀ ಬಾತ್‌ ಕೊನೆಯ ಬಾರಿಗೆ ಫೆಬ್ರವರಿ 25ರಂದು ಪ್ರಸಾರವಾಗಿತ್ತು. ಅದರ 110ನೇ ಸಂಚಿಕೆಯಲ್ಲಿ ಮಾತನಾಡಿದ್ದ ಅವರು, ಮೊದಲ ಬಾರಿ ಮತ ಚಲಾಯಿಸುತ್ತಿರುವವರು ಮತ ಚಲಾಯಿಸಿ ಎಂದು ಕೇಳಿಕೊಂಡಿದ್ದರು.