Manipur ಹಿಂಸಾಚಾರ: ಪೊಲೀಸ್‌ ಠಾಣೆಗೆ ನುಗ್ಗಿ ಶಸ್ತ್ರಾಸ್ತ್ರ ಲೂಟಿಗೈದ ಗುಂಪು

ಇಂಫಾಲ್‌: ಎರಡು ಗುಂಪುಗಳ ನಡುವೆ ನಡೆದ ಘರ್ಷಣೆಯ ಸಂದರ್ಭದಲ್ಲಿ ಗುಂಪೊಂದು ಪೊಲೀಸ್‌ ಠಾಣೆಗೆ ನುಗ್ಗಿ ಶಸ್ತ್ರಾಸ್ತ್ರಗಳನ್ನು ದೋಚಿದ ಘಟನೆ ಮಣಿಪುರದ ಉಖಾರುಲ್ ಪಟ್ಟಣದಲ್ಲಿ ನಡೆದಿದೆ.

ಸ್ವತ್ಛತಾ ಕಾರ್ಯಕ್ರಮದ ಪ್ರಯುಕ್ತ ವಿವಾದಿತ ಸ್ಥಳವೊಂದರ ಸ್ವಚ್ಛತೆ ಕುರಿತು 2 ನಾಗಾ ಗುಂಪುಗಳ ನಡುವೆ ಸಂಘರ್ಷವೇರ್ಪಟ್ಟಿದ್ದು, ಈ ನಡುವೆ ಸುಮಾರು 21 ಬಂದೂಕುಗಳನ್ನು ಮತ್ತು 900 ಸುತ್ತಿನ ಮದ್ದುಗುಂಡುಗಳನ್ನು ಠಾಣೆಯ ಶಸ್ತ್ರಗಾರದಿಂದ ಗುಂಪೊಂದು ದೋಚಿದೆ ಎಂದು ತಿಳಿದುಬಂದಿದೆ.

ಈ ಸಂಘರ್ಷದಿಂದ ಮೃತಪಟ್ಟವರ ಸಂಖ್ಯೆ 4ಕ್ಕೆ ಏರಿದ್ದು, ಮೃತರ ಪೈಕಿ ಮಣಿಪುರ್‌ ರೈಫ‌ಲ್ಸ್‌ನ ಓರ್ವ ಸಿಬ್ಬಂದಿಯು ಸೇರಿದ್ದಾರೆ. ಈ ಲೂಟಿಯು ಶಸ್ತ್ರಾಸ್ತ್ರ ಆಧಾರಿತ ಮಣಿಪುರ ಸಂಸ್ಕೃತಿಯನ್ನು ಬಿಂಬಿಸುತ್ತದೆ ಎಂದು ಸೇನಾಧಿಕಾರಿಗಳು ತಿಳಿಸಿದ್ದಾರೆ.