ಮಣಿಪಾಲ: ಚಿನ್ನಾಭರಣ ಕಳವು

ಮಣಿಪಾಲ: ಮನೆಯೊಳಗೆ ಪ್ರವೇಶಿಸಿದ ಕಳ್ಳರು ಲಕ್ಷಾಂತರ ರೂ. ಮೌಲ್ಯದ ಚಿನ್ನಾಭರಣ ಕಳವು ಮಾಡಿದ ಘಟನೆ ನಡೆದಿದೆ.
ಎ. 7ರಂದು 80 ಬಡಗಬೆಟ್ಟು ಗ್ರಾಮದ ಇಂದಿರಾ ನಗರ ಎಂಬಲ್ಲಿರುವ ಚಿರಾಯು ಎಂಬ ಮನೆಗೆ ಯಾರೋ ಕಳ್ಳರು ಒಳಪ್ರವೇಶಿಸಿದ್ದಾರೆ. ಬಳಿಕ ಗಾದ್ರೇಜ್‌ನಲ್ಲಿದ್ದ 44 ಗ್ರಾಂ ತೂಕದ ಡಿಸೈನ್‌ ಇರುವ ಚಿನ್ನದ ಕಡಗ, 16 ಗ್ರಾಂ ತೂಕದ ಕೈಗೆ ಹಾಕುವ ರುದ್ರಾಕ್ಷಿ ಮಣಿ ಪೋಣಿಸಿದ ಚಿನ್ನದ ಸರ, 16 ಗ್ರಾಂ ತೂಕದ ಕುತ್ತಿಗೆಗೆ ಹಾಕುವ ರುದ್ರಾಕ್ಷಿ ಮಣಿ ಪೋಣಿಸಿದ ಚಿನ್ನದ ಸರಗಳನ್ನು ಕಳವು ಮಾಡಿದ್ದಾರೆ. ಕಳವಾದ ಚಿನ್ನಾಭರಣಗಳ ಒಟ್ಟು ಮೌಲ್ಯ 3,30,000 ರೂ. ಮಣಿಪಾಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.