ಮಾಣಿ:ಟೆಂಪೋಗೆ ಬಸ್‌ ಢಿಕ್ಕಿ,ಕಾರು ಹೊಂಡಕ್ಕೆ;ಸಾರಿಗೆ ಅಧಿಕಾರಿಗೆ ಗಾಯ 

ವಿಟ್ಲ: ಇಲ್ಲಿನ ಮಾಣಿ ಪೇಟೆಯ ಬಳಿ ಯಕ್ಷಗಾನ ಮೇಳದ ಬಸ್ಸೊಂದು ನಿಂತಿದ್ದ ಟೆಂಪೋಗೆ ನಿಯಂತ್ರಣ ತಪ್ಪಿ ಢಿಕ್ಕಿಯಾಗುವ ವೇಳೆ ಎದುರಿನಿಂದ ಬರುತ್ತಿದ್ದ  ಕಾರು ಚರಂಡಿಗೆ ಉರುಳಿದ  ಪರಿಣಾಮ ಸಾರಿಗೆ ಅಧಿಕಾರಿ ಗಂಭೀರವಾಗಿ ಗಾಯಗೊಂಡ ಅವಘಡ ಬುಧವಾರ ಬೆಳಗ್ಗೆ ಸಂಭವಿಸಿದೆ. 

ಕಾರಿನಲ್ಲಿದ್ದ  ಪುತ್ತೂರಿನ ಸಾರಿಗೆ ಅಧಿಕಾರಿ ಫಿಲಿಪ್ಸ್‌(57)ಅವರು ಗಾಯಗೊಂಡಿದ್ದು ಮಂಗಳೂರಿನ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಬಸ್‌ನಲ್ಲಿದ್ದ ಯಾರಿಗೂ ಯಾವುದೇ ಗಾಯಗಳಾಗಿಲ್ಲ. 

ವಿಟ್ಲ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.