Advertisement

ಮುಸ್ಲಿಂ ಡಿಫೆನ್ಸ್‌ ಫೋರ್ಸ್‌ ಕುರಿತು ಮಾಹಿತಿ ಸಂಗ್ರಹ: ಪೊಲೀಸ್‌ ಕಮಿಷನರ್

09:36 AM May 06, 2022 | Team Udayavani |

ಮಂಗಳೂರು : ಮುಸ್ಲಿಂ ಡಿಫೆನ್ಸ್‌ ಫೋರ್ಸ್‌ (ಎಂಡಿಎಫ್‌) ಹೆಸರಿನಲ್ಲಿ ತಾಲಿಬಾನಿ ಫತ್ವಾ ಸಂಸ್ಕೃತಿ ಹೇರಲು ಯತ್ನಿಸುತ್ತಿರುವವರ ಬಗ್ಗೆ ಮಾಹಿತಿ ಕಲೆ ಹಾಕುತ್ತಿರುವುದಾಗಿ ಮಂಗಳೂರು ನಗರ ಪೊಲೀಸ್‌ ಕಮೀಷನರ್‌ ಎನ್‌. ಶಶಿಕುಮಾರ್‌ ತಿಳಿಸಿದ್ದಾರೆ.

Advertisement

ಇತ್ತೀಚೆಗೆ ಕೆಲವು ತಿಂಗಳುಗಳಿಂದ ಎಂಡಿಎಫ್‌ ಹೆಸರಿನಲ್ಲಿ ಬುರ್ಖಾ ಧರಿಸುವಂತೆ ಮುಸ್ಲಿಂ ಯುವತಿಯರಿಗೆ ಕಟ್ಟೆಚ್ಚರಿಕೆ ನೀಡುವುದು, ಮಾಲ್‌ಗ‌ಳಲ್ಲಿ ತಿರುಗಾಡುವ ಮಕ್ಕಳ ಪೊಷಕರಿಗೂ ಎಚ್ಚರಿಕೆ ನೀಡುತ್ತಿರುವುದು ಗಮನಕ್ಕೆ ಬಂದಿದೆ. ಇನ್‌ಸ್ಟಾಗ್ರಾಂ ಪೇಜ್‌ ಮತ್ತು ವಾಟ್ಸ್‌ಆ್ಯಪ್‌ ಗ್ರೂಪ್‌ನಲ್ಲಿ ಈ ರೀತಿಯ ಹೇಳಿಕೆ ಹಾಕಲಾಗಿದೆ. ಈ ಮೆಸೇಜ್‌ ಯಾರು ಹಾಕಿದ್ದು ಎಂಬ ಬಗ್ಗೆ ಮಾಹಿತಿ ಕಲೆ ಹಾಕುತ್ತಿದ್ದೇವೆ, ಇನ್ನೂ ದೂರು ದಾಖಲು ಮಾಡಿಲ್ಲ ಎಂದು ಅವರು ಸುದ್ದಿಗಾರರಿಗೆ ಗುರುವಾರ ತಿಳಿಸಿದರು.

ವಿದೇಶಿ ಸಿಮ್‌ ಬಳಸಿ ಸೋಷಿಯಲ್‌ ಮೀಡಿಯಾದಲ್ಲಿ ಅವಹೇಳನ ಕಾರಿಯಾಗಿ ಬರೆಯು ವವರ ಮೇಲೂ ನಿಗಾ ಇರಿಸಿದ್ದೇವೆ. ನಿರ್ದಿಷ್ಟವಾಗಿ ಎಂಡಿಎಫ್‌ ಬಗ್ಗೆ ತನಿಖೆಗೆ ಪೊಲೀಸ್‌ ತಂಡ ರಚನೆ ಮಾಡಿಲ್ಲ, ಈ ಬಗ್ಗೆ ದೂರುಗಳೂ ಬಂದಿಲ್ಲ. ದೂರು ಬಂದಾಗ ಕಾನೂನು ಪ್ರಕಾರ ಕ್ರಮ ಕೈಗೊಳ್ಳುತ್ತೇವೆ. ಎಂಡಿಎಫ್‌ ಜತೆಗೆ ಬೇರೆ ಬೇರೆ ಗ್ರೂಪ್‌ಗ್ಳಲ್ಲಿ ಸಮಾಜದ ಸ್ವಾಸ್ಥ್ಯ ಹಾಳು ಮಾಡುವ ಕೆಲಸ ಆಗುತ್ತಿದೆ. ಈ ರೀತಿ ಮೆಸೇಜ್‌ ಮಾಡುವವರ ಎಲ್ಲ ಮಾಹಿತಿ ದಾಖಲಾಗುತ್ತದೆ. ಅಂತಹವರ ಮೊಬೈಲ್‌ ವಿವರಗಳೂ ಸಿಗುತ್ತವೆ. ಸಾಮಾಜಿಕ ಜಾಲತಾಣದ ಮೇಲೆ ನಿಗಾ ಇರಿಸುವುದಕ್ಕಾಗಿಯೇ ಒಬ್ಬ ಅಧಿಕಾರಿ, ಆರು ಮಂದಿ ಸಿಬಂದಿ ಕೆಲಸ ಮಾಡುತ್ತಿದ್ದಾರೆ ಎಂದು ತಿಳಿಸಿದರು.

ಏನಿದು ಎಂಡಿಎಫ್‌?
ನಿರ್ದಿಷ್ಟವಾಗಿ ಯಾವುದೇ ಸಂಘಟನೆಯ ಸ್ವರೂಪವಿಲ್ಲದೆ ಸೋಶಿಯಲ್‌ ಮೀಡಿಯಾ ಮೂಲಕವೇ ಈ ಹೆಸರಿನಲ್ಲಿ ಕೆಲವರು ಕಾರ್ಯಾಚರಿಸುತ್ತಿದ್ದಾರೆ. ಈ ಹೆಸರಿನಲ್ಲಿ ಮೂಲಭೂತವಾದಿ ವಿಚಾರಗಳನ್ನು ಹರಿಯ ಬಿಡಲಾಗುತ್ತಿದೆ. ಬುರ್ಖಾ, ಹಿಜಾಬ್‌ ಧರಿಸಿ ಬರುವ ಮುಸ್ಲಿಂ ಯುವತಿಯರು ಅಸಭ್ಯ ವರ್ತನೆ ತೋರಿದರೆ ಮಾನ ಹರಾಜು ಹಾಕಲಿದ್ದೇವೆ ಎಂಬ ಹೇಳಿಕೆಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next