ಮಿಲಿಟರಿ ವಿಮಾನದ 2ಟಯರ್ ಸ್ಫೋಟ; ಬಜ್ಪೆ ರನ್ ವೇ 2 ತಾಸು ಬಂದ್

ಮಂಗಳೂರು: ನೌಕಾಪಡೆಯ ಮಿಗ್ 27 ವಿಮಾನ ಭೂಸ್ಪರ್ಶದ ವೇಳೆ ಹಿಂಬದಿಯ 2 ಟಯರ್ ಸ್ಫೋಟಗೊಂಡ ಘಟನೆ ಬಜ್ಪೆ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಮಂಗಳವಾರ ಸಂಜೆ ಸಂಭವಿಸಿದೆ.

ಗೋವಾದಿಂದ ಪ್ರಯೋಗಾರ್ಥ ಹಾರಾಟ ನಡೆಸಿತ್ತು. ವಿಮಾನ ಭೂಸ್ಪರ್ಶದ ವೇಳೆ ಹಿಂಬದಿಯ 2 ಟಯರ್ ಸ್ಫೋಟಗೊಂಡಿತ್ತು. ಪರಿಣಾಮವಾಗಿ ಬಜ್ಪೆ ವಿಮಾನ ನಿಲ್ದಾಣದ ರನ್ ವೇಗೆ ಹಾನಿಯಾಗಿದ್ದು, ಇದರಿಂದ 2 ಗಂಟೆಗಳ ಕಾಲ ವಿಮಾನ ನಿಲ್ದಾಣ ಬಂದ್ ಮಾಡಲಾಗಿತ್ತು ಎಂದು ಮಾಧ್ಯಮದ ವರದಿ ತಿಳಿಸಿದೆ. 

ರನ್ ವೇ ಹಾನಿಗೊಂಡಿದ್ದರಿಂದ ಮಂಗಳೂರಿಗೆ ಆಗಮಿಸಬೇಕಿದ್ದ ವಿಮಾನಗಳ ಮಾರ್ಗ ಬದಲಾಯಿಸಲಾಗಿದೆ. ಬಜ್ಪೆ ವಿಮಾನ ನಿಲ್ದಾಣದ ರನ್ ವೇ ಕಾರ್ಯವನ್ನು ಸಿಬ್ಬಂದಿಗಳು ಭರದಿಂದ ನಡೆಸುತ್ತಿರುವುದಾಗಿ ವರದಿ ವಿವರಿಸಿದೆ.