ಹಳಿತಪ್ಪಿದ ಮಂಗಳೂರು-ಮುಂಬಯಿ ರೈಲು

ಪಣಜಿ: ಗೋವಾ ಗಡಿ ಭಾಗದಲ್ಲಿ ಕರ್ನಾಟಕದ ಸರಹದ್ದಿನ ಸೋನಾವಳಿಯಲ್ಲಿ ದಕ್ಷಿಣ ಮಧ್ಯ ರೈಲ್ವೆ ಮಾರ್ಗದಲ್ಲಿ ಗುಡ್ಡ ಕುಸಿತವುಂಟಾದ ಹಿನ್ನೆಲೆಯಲ್ಲಿ ಮುಂಬಯಿ ತೆರಳುವ ಮಂಗಳೂರು-ಮುಂಬಯಿ ಸ್ಪೇಶಲ್ ಟ್ರೇನ್ ಎಂಜಿನ್ ಮತ್ತು ಒಂದು ಭೋಗಿ ಹಳಿ ತಪ್ಪಿದೆ.

ಈ ಘಟನೆಯ ನಂತರ ಕೊಂಕಣ ರೈಲ್ವೆ ಮಾರ್ಗದ 5 ಮತ್ತು ದಕ್ಷಿಣ ಮಧ್ಯ ರೈಲ್ವೆ ಮಾರ್ಗದ 1 ಸೇರಿ ಒಟ್ಟೂ 6 ರೈಲುಗಳನ್ನು ರದ್ಧುಗೊಳಿಸಲಾಗಿದೆ.

ಈ ಘಟನೆಯಲ್ಲಿ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ ಎನ್ನಲಾಗಿದೆ. ಈ ರೈಲಿನಲ್ಲಿ ಸಿಲುಕಿಕೊಂಡಿದ್ದ ಪ್ರಯಾಣಿಕರನ್ನು ಬಸ್ ಮೂಲಕ ರೈಲ್ವೆ ನಿಲ್ದಾಣಕ್ಕೆ ಕರೆತರಲಾಗಿದೆ ಎಂಬ ಮಾಹಿತಿ ಲಭ್ಯವಾಗಿದೆ.