ನೀಲಗಿರಿಯಾದ ಮಾಂದಲ್‌ ಪಟ್ಟಿ !

ಮಡಿಕೇರಿ: ಕೊಡಗು ಜಿಲ್ಲೆಯ ಪ್ರಸಿದ್ಧ ಪ್ರವಾಸಿ ತಾಣ ಕಡುಹಸಿರ ಮೈಬಣ್ಣದ ಮಾಂದಲ್‌ ಪಟ್ಟಿ ಈಗ ನೀಲಗಿರಿ ಯಂತಾಗಿದೆ.

ಇಲ್ಲಿ ಅಪರೂಪಕ್ಕೆ ಎಂಬಂತೆ ಬೆಳೆದಿರುವ ನೀಲಿ ಬಣ್ಣದ ಕುಸುಮಗಳು ಹಸಿರ ಬೆಟ್ಟಕ್ಕೆ ಕಿರೀಟವಿಟ್ಟಂತಿದೆ. ಹಲವು ವರ್ಷಗಳಿಗೊಮ್ಮೆ ಅರಳುವ ನೀಲ ಕುರುಂಜಿ ಹೂವುಗಳು ಇಡೀ ಮಾಂದಲ್‌ ಪಟ್ಟಿಯನ್ನೇ ನೀಲಿಯಾಗಿಸಿವೆ.

ಪ್ರಕೃತಿಯನ್ನು ಆರಾಧಿಸುವ ಕೊಡಗು ಜಿಲ್ಲೆಯಲ್ಲಿ ಈ ನೀಲ ಕುರುಂಜಿಗೂ ಮಹತ್ವ ನೀಡಲಾಗಿದೆ. ನೀಲಹೂವು ಅರಳಿದ ತತ್‌ಕ್ಷಣ ಸುಬ್ರಹ್ಮಣ್ಯ ದೇವರಿಗೆ ಇಡುವುದು ವಾಡಿಕೆ. ಪ್ರಕೃತಿ ಸಮತೋಲನದಿಂದಿದ್ದಾಗ ಮಾತ್ರ ಈ ಹೂ ಅರಳುತ್ತದೆ ಎಂದು ಹಿರಿಯರು ಹೇಳುತ್ತಾರೆ.