Miraculous; ಎರಡು ಬಸ್ ಗಳ ಮಧ್ಯ ಸಿಲುಕಿದರೂ ವ್ಯಕ್ತಿ ಬಚಾವ್: ವೈರಲ್ ವಿಡಿಯೋ

ಚೆನ್ನೈ: ತಮಿಳುನಾಡಿನ ಪಕ್ಕೋಟ್ನಲ್ಲಿ ನಡೆದ ನಂಬಲಾಸಾಧ್ಯವಾದ ಘಟನೆಯ ವಿಡಿಯೋವೊಂದು ಎಲ್ಲರನ್ನೂ ಬೆರಗುಗೊಳಿಸಿದೆ. ರಸ್ತೆ ದಾಟಲು ಪ್ರಯತ್ನಿಸುತ್ತಿದ್ದ ವ್ಯಕ್ತಿಯೊಬ್ಬ ಚಲಿಸುತ್ತಿದ್ದ ಎರಡು ಬಸ್‌ಗಳ ನಡುವೆ ಸಿಕ್ಕಿಹಾಕಿಕೊಂಡ ಬಳಿಕವೂ ಪಾರಾಗಿದ್ದಾರೆ. ದೃಶ್ಯವನ್ನುಕಂಡು, ಸ್ಥಳದಲ್ಲಿದ್ದ ಎಲ್ಲರಿಗೂ ಹೃದಯ ಬಡಿತವೇ ನಿಂತ ಅನುಭವವಾಗಿದೆ ಎಂದು ವರದಿಯಾಗಿದೆ.

ಬಸ್‌ಗಳು ಒಂದಕ್ಕೊಂದು ಎದುರಾಗಿ ಅಪಾಯಕಾರಿಯಾಗಿ ಸಾಗುತ್ತಿದ್ದಾಗ ಈ ಘಟನೆ ನಡೆದಿದೆ. ವ್ಯಕ್ತಿ ಎರಡು ಬಸ್ ಗಳ ನಡುವೆ ಕೆಲವು ಸೆಕೆಂಡುಗಳ ಕಾಲ ಸಿಕ್ಕಿ ಹಾಕಿಕೊಂಡಿದ್ದು, ಪ್ರಾಣ ಉಳಿಯುವುದೇ ಅಸಾಧ್ಯ ಎಂದು ತೋರುತ್ತದೆ. ಆದರೆ ಪವಾಡವೆಂಬಂತೆ ಇಬ್ಬರೂ ಬಸ್ ಚಾಲಕರು ಸಕಾಲಕ್ಕೆ ಬ್ರೇಕ್ ಹಾಕಿದ್ದರಿಂದ ಭಾರೀ ಅನಾಹುತ ತಪ್ಪಿದೆ.