ವೃದ್ಧೆಯನ್ನು ಕೊಂದು ಚಿನ್ನ ಲೂಟಿ ಮಾಡಿದ ಆರೋಪಿ ಸೆರೆ

ಕೊಯಮುತ್ತೂರು : ಹತ್ತು ದಿನಗಳ ಹಿಂದೆ ಸೆಲ್ವಪುರಂನಲ್ಲಿ  77 ವರ್ಷ ಪ್ರಾಯದ ಮಹಿಳೆಯನ್ನು ಕೊಲೆಗೈದು ಆಕೆಯ ಚಿನ್ನಾಭರಣಗಳನ್ನು ಲೂಟಿ ಮಾಡಿದ್ದ 27ರ ಹರೆಯದ ಶೇಖರ್‌ ಬಾಬು ಎಂಬಾತನನ್ನು ಪೊಲೀಸರು ಸೆರೆ ಹಿಡಿದಿದ್ದಾರೆ. 

ವಾಹನಗಳನ್ನು ತಪಾಸಣೆ ಮಾಡುವ ವೇಳೆ ಬೈಕ್‌ ಚಲಾಯಿಸಿಕೊಂಡು ಬಂದಿದ್ದ ಶೇಖರ್‌ ಬಾಬು ನನ್ನು ಪೊಲೀಸರು ತಡೆದು ನಿಲ್ಲಿಸಿದರು. ಆತನ ಬೈಕನ್ನು ಶೋಧಿಸಿದಾಗ ಅವರಿಗೆ 15 ಸೊವರೀನ್‌ ಚಿನ್ನಾಭರಣಗಳು ಸಿಕ್ಕಿದವು. ಪೊಲೀಸರು ಆತನನ್ನು ತೀವ್ರವಾಗಿ ಪ್ರಶ್ನಿಸಿದಾಗ ಆತ ಎಸಗಿದ್ದ ಕೊಲೆ, ಲೂಟಿ ಕೃತ್ಯ ಹೊರಬಿತ್ತು.

ಆರೋಪಿ ಶೇಖರ್‌ ಬಾಬು, ಕಳೆದ ಜನವರಿ 9ರಂದು 77ರ ಹರೆಯದ ಮಹಿಳೆಯನ್ನು ಕತ್ತು ಹಿಸುಕಿ ಕೊಂದಿದ್ದ ಎಂದಿರುವ ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.