ಮಲ್ಪೆ: ಜನರೇಟರ್‌ನಲ್ಲಿ ಅಧಿಕ ವಿದ್ಯುತ್‌ ಪ್ರವಹಿಸಿ ಬೋಟಿನಲ್ಲಿ ಕೆಲಸ ಮಾಡುತ್ತಿದ್ದ ಕಾರ್ಮಿಕರೊಬ್ಬರು ಮೃತಪಟ್ಟ ಘಟನೆ ಶನಿವಾರ ಮಲ್ಪೆ ಬಂದರಿನಲ್ಲಿ ನಡೆದಿದೆ.
Advertisement
ಉತ್ತರ ಪ್ರದೇಶದ ಬೀರ್‌ ಸಿಂಗ್‌ ಪುರದ ಮನೋಜ್‌ ಕುಮಾರ್‌ (20) ಮೃತಪಟ್ಟವರು. ಅವರು ಮಲ್ಪೆಯ ವಿಘ್ನೇಶ್ವರ ಬೋಟಿನಲ್ಲಿ ಕಾರ್ಮಿಕರಾಗಿ ಕೆಲಸ ಮಾಡಿಕೊಂಡಿದ್ದರು. ಬೋಟಿನ ದುರಸ್ತಿಗಾಗಿ ಅವರು ಪಿಟ್ಟರ್‌ ಜತೆ ಸಹಾಯಕರಾಗಿ ಕೆಲಸ ಮಾಡುತ್ತಿದ್ದರು.
ಬೋಟಿನಲ್ಲಿ ವೆಲ್ಡಿಂಗ್‌ ಕೆಲಸ ಮಾಡುತ್ತಿದ್ದಾಗ ಜನರೇಟರ್‌ಗೆ ಅಳವಡಿಸಿದ ವೈಲರ್‌ನಲ್ಲಿ ಅಧಿಕ ವಿದ್ಯುತ್‌ ಪ್ರವಹಿಸಿ ಮನೋಜ್‌ ತೀವ್ರ ಆಸ್ವಸ್ಥಗೊಂಡಿದ್ದರು. ಗಂಭೀರ ಸ್ಥಿತಿಯಲ್ಲಿದ್ದ ಅವರನ್ನು ಆಸ್ಪತ್ರೆಗೆ ಸಾಗಿಸುವಾಗ ದಾರಿ ಮಧ್ಯೆ ಅವರು ಮೃತಪಟ್ಟಿದ್ದಾರೆ. ಈ ಬಗ್ಗೆ ಮಲ್ಪೆ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.