ಏ.2 ರಂದು ಖೂಬಾ ಬಿಜೆಪಿಗೆ ?

ಬೆಂಗಳೂರು: ಜೆಡಿಎಸ್‌ ಶಾಸಕ ಮಲ್ಲಿಕಾರ್ಜುನ ಖೂಬಾ ಏ.2 ರಂದು ಬಿಜೆಪಿ ಸೇರ್ಪಡೆಯಾಗುವ ಸಾಧ್ಯತೆಯಿದೆ. ಜೆಡಿಎಸ್‌ ಬಿಡಲು ತೀರ್ಮಾನಿಸಿದ್ದ ಖೂಬಾ ಬಿಜೆಪಿ ಸೇರುವುದಾ? ಕಾಂಗ್ರೆಸ್‌ ಸೇರುವುದಾ ಎಂಬ ಗೊಂದಲದಲ್ಲಿದ್ದರು. ಇದೀಗ ಅಂತಿಮವಾಗಿ ಬಿಜೆಪಿ ಸೇರಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ.

ಈ ಮಧ್ಯೆ, ಗುರುವಾರ ಸುದ್ದಿಗಾರರ ಜತೆ ಮಾತನಾಡಿದ ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್‌.ಯಡಿಯೂರಪ್ಪ, ಬೀದರ್‌ ಜಿಲ್ಲೆಯ ಪ್ರಭಾವಿ ಮುಖಂಡರೊಬ್ಬರು ಏ.2 ರಂದು ಬಿಜೆಪಿ ಸೇರಲಿದ್ದಾರೆ ಎಂದು ಖೂಬಾ ಸೇರ್ಪಡೆ ಮುನ್ಸೂಚನೆ ನೀಡಿದರು.

ಈಗಾಗಲೇ ಜೆಡಿಎಸ್‌ನ ಇಬ್ಬರು ಶಾಸಕರು ಬಿಜೆಪಿ ಸೇರಿದ್ದು, ಖೂಬಾ ಮೂರನೆಯವರು.ಈಗಾಗಲೇ ಏಳು ಶಾಸಕರು ಕಾಂಗ್ರೆಸ್‌ ಸೇರಿದ್ದಾರೆ.