ಕೇವಲ 30 ನಿಮಿಷಗಳಲ್ಲಿ ಬರೋಬ್ಬರಿ 1 ಲಕ್ಷ ಸ್ಕಾರ್ಪಿಯೋ ಬುಕಿಂಗ್‌!

ನವದೆಹಲಿ: ಮಹೀಂದ್ರಾ ಸಂಸ್ಥೆಯ ನೂತನ ಸ್ಕಾರ್ಪಿಯೋ-ಎನ್‌ ಎಸ್‌ಯುವಿ ಮುಂಗಡ ಬುಕಿಂಗ್‌ ಶನಿವಾರ ಆರಂಭವಾಗಿದೆ.

ಬುಕಿಂಗ್‌ ಆರಂಭವಾಗಿ ಕೇವಲ 30 ನಿಮಿಷಗಳಲ್ಲಿ ಬರೋಬ್ಬರಿ 1 ಲಕ್ಷ ಎಸ್‌ಯುವಿಗಳ ಬುಕಿಂಗ್‌ ಆಗಿದ್ದು, ನೂತನ ದಾಖಲೆ ನಿರ್ಮಾಣವಾಗಿದೆ.

ಈ ಹಿಂದೆ ಸಂಸ್ಥೆ 2021ರ ಅ.21ರಂದು ಮಹೀಂದ್ರಾ ಎಕ್ಸ್‌ಯುವಿ700 ಬುಕಿಂಗ್‌ ಆರಂಭಿಸಿದಾಗ ಕೇವಲ 57 ನಿಮಿಷಗಳಲ್ಲಿ 1 ಲಕ್ಷ ಕಾರಿಗೆ ಬುಕಿಂಗ್‌ ಆಗಿತ್ತು.

ಆದರೆ ಆ ದಾಖಲೆಯನ್ನು ಸ್ಕಾರ್ಪಿಯೋ ಎನ್‌ ಮುರಿದಿದೆ. ಬುಕಿಂಗ್‌ ಆರಂಭವಾದ ಒಂದೇ ನಿಮಿಷದಲ್ಲಿ ಬರೋಬ್ಬರಿ 25,000 ಕಾರುಗಳ ಬುಕಿಂಗ್‌ ಆಗಿದೆ ಎಂದು ಸಂಸ್ಥೆ ತಿಳಿಸಿದೆ. ಸೆ.26ರಿಂದ ಕಾರುಗಳ ಡೆಲಿವರಿ ಆರಂಭವಾಗಲಿದೆ.