Advertisement

ಟಿವಿ ವಾಲ್ಯೂಮ್ ಕಡಿಮೆ ಮಾಡಲು ಹೇಳಿದ ಅತ್ತೆಯ ಬೆರಳುಗಳನ್ನು ಕಚ್ಚಿದ ಸೊಸೆ!

03:19 PM Sep 07, 2022 | Team Udayavani |

ಥಾಣೆ: ಏರು ಧ್ವನಿಯಲ್ಲಿ ಟಿವಿ ನೋಡುತ್ತಿದ್ದ ವೇಳೆ ವಾಲ್ಯೂಮ್‌ ಕಡಿಮೆ ಮಾಡಲು ಹೇಳಿದ್ದಕ್ಕೆ ಸೊಸೆ ಕೋಪಗೊಂಡು ಅತ್ತೆಯ ಬೆರಳುಗಳನ್ನು ಕಚ್ಚಿದ ಘಟನೆ ಮಹಾರಾಷ್ಟ್ರದ ಥಾಣೆ ಜಿಲ್ಲೆಯ ಅಂಬರನಾಥ್‌ನಲ್ಲಿ ನಡೆದಿದೆ.

Advertisement

ಅತ್ತೆ ವೃಶಾಲಿ ಕುಲಕರ್ಣಿ (60) ಅವರು ಮನೆಯಲ್ಲಿ ಭಜನೆ ಪಠಿಸುತ್ತಿದ್ದಾಗ ಅವರ ಸೊಸೆ ವಿಜಯಾ ಕುಲಕರ್ಣಿ ಟಿವಿ ವೀಕ್ಷಿಸುತ್ತಿದ್ದರು. ಈ ವೇಳೆ ಅತ್ತೆ ವಾಲ್ಯೂಮ್‌ ಕಡಿಮೆ ಮಾಡಲು ಹೇಳಿದ್ದಾರೆ.  ಆದರೆ ವಿಜಯಾ ವಾಲ್ಯೂಮ್‌ ಕಡಿಮೆ ಮಾಡಿಲ್ಲ. ಬಳಿಕ ವೃಶಾಲಿ ಅವರು ಟಿವಿ ಆಫ್‌ ಮಾಡಿದ್ದಾರೆ. ಇದರಿಂದ ಕೋಪಕೊಂಡ ವಿಜಯಾ, ವೃಶಾಲಿ ಅವರ ಮೂರು ಬೆರಳುಗಳನ್ನು ಕಚ್ಚಿದ್ದಾರೆ. ಮಧ್ಯಪ್ರವೇಶಿಸಲು ಯತ್ನಿಸಿದ ಗಂಡನಿಗೂ ಕಪಾಳಮೋಕ್ಷ ಮಾಡಿದ್ದಾರೆ ಎಂದು ಶಿವಾಜಿ ನಗರ ಪೊಲೀಸ್ ಠಾಣೆಯ ಅಧಿಕಾರಿಗಳು ತಿಳಿಸಿದ್ದಾರೆ.

ಗಾಯಾಳು ವೃಶಾಲಿ ಶಿವಾಜಿನಗರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ವಿಜಯಾ ಕುಲಕರ್ಣಿ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿ:ದೆಹಲಿ: 2023ರ ಜನವರಿ 1ರವರೆಗೆ ಪಟಾಕಿ, ಸಿಡಿಮದ್ದು ಆನ್ ಲೈನ್ ಮಾರಾಟ ಬಂದ್

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next