Maharaja Trophy; ಬೆಂಗಳೂರು ಬ್ಲಾಸ್ಟರ್ಸ್ ಗೆ 45 ರನ್ನುಗಳ ಸೋಲುಣಿಸಿ ಮೈಸೂರು ಚಾಂಪಿಯನ್‌

ಬೆಂಗಳೂರು: ಮೈಸೂರು ವಾರಿಯರ್ ಮೊದಲ ಬಾರಿಗೆ “ಮಹಾರಾಜ ಟ್ರೋಫಿ’ ಟಿ20 ಲೀಗ್‌ ಚಾಂಪಿಯನ್‌ ಆಗಿ ಮೂಡಿಬಂದಿದೆ. ಫೈನಲ್‌ನಲ್ಲಿ ಅದು ಬೆಂಗಳೂರು ಬ್ಲಾಸ್ಟರ್ಸ್ ಗೆ 45 ರನ್ನುಗಳ ಸೋಲುಣಿಸಿತು.

ಮೈಸೂರು 4 ವಿಕೆಟಿಗೆ 207 ರನ್‌ ಪೇರಿಸಿದರೆ, ಬೆಂಗಳೂರು 8 ವಿಕೆಟಿಗೆ 162 ರನ್‌ ಮಾಡಿತು. ಮೈಸೂರು ಪರ ಎಸ್‌.ಯು. ಕಾರ್ತಿಕ್‌ 71 (44 ಎಸೆತ, 7 ಬೌಂಡರಿ, 3 ಸಿಕ್ಸರ್‌) ಮತ್ತು ನಾಯಕ ಕರುಣ್‌ ನಾಯರ್‌ 66 ರನ್‌ (45 ಎಸೆತ, 6 ಬೌಂಡರಿ, 3 ಸಿಕ್ಸರ್‌) ಕೊಡುಗೆ ಸಲ್ಲಿಸಿದರು. ಕೊನೆಯ ಹಂತದಲ್ಲಿ ಮನೋಜ್‌ ಭಾಂಡಗೆ ಸಿಡಿದು ನಿಲ್ಲುವುದರೊಂದಿಗೆ ತಂಡದ ಮೊತ್ತ ಇನ್ನೂರರ ಗಡಿ ದಾಟಿತು. ಭಾಂಡಗೆ ಕೇವಲ 13 ಎಸೆತಗಳಿಂದ 44 ರನ್‌ ಬಾರಿಸಿ ಅಜೇಯರಾಗಿ ಉಳಿದರು.