ಸಹೋದರಿಗೆಲುವು: ಚಿತ್ರನಟ ಜೈ ಜಗದೀಶ್‌

ಮಡಿಕೇರಿ: ತಮ್ಮ ಸಹೋದರಿ ಕೆ.ಪಿ. ಚಂದ್ರಕಲಾ ಅವರು ಕಾಂಗ್ರೆಸ್‌ ಪಕ್ಷದಿಂದ ಮಡಿಕೇರಿ ವಿಧಾನ ಸಭಾ ಕ್ಷೇತ್ರದ ಚುನಾವಣಾ ಕಣಕ್ಕಿಳಿಯುತ್ತಿರುವ ಹಿನ್ನೆಲೆಯಲ್ಲಿ ಕನ್ನಡ ಚಲನಚಿತ್ರ ರಂಗದ ಹಿರಿಯ ನಟ ಜೈ ಜಗದೀಶ್‌, ತಮ್ಮೆಲ್ಲ ಚಿತ್ರರಂಗದ ಚಟುವಟಿಕೆಗಳನ್ನು ಬದಿಗೊತ್ತಿ ಪ್ರಚಾರಕ್ಕಿಳಿಯಲಿದ್ದಾರೆ.

ಮಡಿಕೇರಿ ವಿಧಾನಸಭಾ ಕ್ಷೇತ್ರದ ಸ್ಪರ್ಧೆಗೆ ತಮ್ಮ ಸಹೋದರಿಗೆ ಕೆ.ಪಿ. ಚಂದ್ರಕಲಾ ಅವರಿಗೆ ಕಾಂಗ್ರೆಸ್‌ ಹೆ„ಕಮಾಂಡ್‌ನಿಂದ ತಂದ  ಫಾರಂ ಅನ್ನು ಗಾಂಧಿ ಮೈದಾನದ ಬಳಿ ನೀಡಿದ ಜೈಜಗದೀಶ್‌, ಸಹೋದರಿಗೆ ಹಸ್ತಾಂತರಿಸಿ ಶುಭ ಹಾರೈಸಿದರು. ಈ ಸಂದರ್ಭ ಸ್ಥಳದಲ್ಲಿ ಜೈಜಗದೀಶ್‌ ಅವರ ಪತ್ನಿ ವಿಜಯಲಕ್ಷ್ಮೀ ಸಿಂಗ್‌, ಚಂದ್ರಕಲಾ ಅವರ ಸಹೋದರಿಯರಾದ  ಭಾನುಮತಿ, ರತ್ನಾ  ಮತ್ತು ಶೈಲಾ ಮತ್ತು ಕುಟುಂಬವರ್ಗವಿದ್ದು ಶುಭ ಕೋರಿದರು.

ತಾನು ಯಾವುದೇ ರಾಜಕೀಯ ಪಕ್ಷಗಳ ಪರ ಗುರುತಿಸಿಕೊಂಡಿಲ್ಲ. ಸಹೋದರಿಯೇ ಇದೀಗ ಕಾಂಗ್ರೆಸ್‌ ಪಕ್ಷದಿಂದ ಚುನಾವಣಾ ಕಣಕ್ಕೆ ಇಳಿದಿದ್ದಾರೆ. ಈ ಹಿನ್ನೆಲೆಯಲ್ಲಿ ನುR ಸಹೋದರಿಯ ಪರವಾಗಿ ಅಣ್ಣನಾಗಿ ಪ್ರಚಾರ ಕಾರ್ಯ ನಡೆಸುವುದಾಗಿ ತಿಳಿಸಿದರು.