Advertisement

ಯಲ್ಲಾಪುರ: ಕಂದಕಕ್ಕೆ ಉರುಳಿ ಬಿದ್ದು ನುಜ್ಜುಗುಜ್ಜಾದ ಲಾರಿ: ಇಬ್ಬರು ಸಾವು

03:57 PM Sep 17, 2022 | Team Udayavani |

ಯಲ್ಲಾಪುರ: ಗ್ರಾನೈಟ್ ತುಂಬಿಕೊಂಡು ಹೋಗುತ್ತಿದ್ದ ಲಾರಿಯೊಂದು ಕಂದಕಕ್ಕೆ ಉರುಳಿ ಬಿದ್ದು ಇಬ್ಬರು ಸಾವನ್ನಪ್ಪಿರುವ ಘಟನೆ ತಾಲೂಕಿನ ರಾ.ಹೆದ್ದಾರಿ 63 ಅಪಾಯಕಾರಿ ಯೂಟರ್ನ್ ಬಳಿ ಶನಿವಾರ ಮಧ್ಯಾಹ್ನ( ಸೆ.17 ರಂದು) ನಡೆದಿದೆ.

Advertisement

ರಸ್ತೆಯಿಂದ ನೂರೈವತ್ತು ಅಡಿಯಷ್ಟು ಆಳದ ಕಂದಕದಲ್ಲಿ ಲಾರಿ ಬಿದ್ದಿದ್ದು ಲಾರಿಯಲ್ಲಿದ್ದ ಇಬ್ಬರು ಸಾವನ್ನಪ್ಪಿದ್ದಾರೆ.

ಲಾರಿಯಲ್ಲಿದ್ದ ಗ್ರಾನೈಟ್  ಮತ್ತು ಲಾರಿ ಇವುಗಳ ಅಡಿಯಲ್ಲಿದ್ದ ಶವವನ್ನು ಮೇಲಕ್ಕೆತ್ತಲಾಗಿದೆ. ಆದರೆ ಅಪಘಾತದ ರಭಸಕ್ಕೆ ಮೃತರ ಗುರುತು ಪರಿಚಯ ಹಚ್ಚಲು ಸಾಧ್ಯವಾಗುತ್ತಿಲ್ಲ.

ಅಪಘಾತದಿಂದ ಲಾರಿ ಸಂಪೂರ್ಣ ನುಜ್ಜುಗುಜ್ಜಾಗಿದ್ದು ಲಾರಿಯ ರಜಿಸ್ಟ್ರೇಶನ್ ಸೇರಿದಂತೆ ಯಾವ ದಾಖಲೆಯೂ ಪೊಲೀಸರಿಗೆ ಇದುವರೆಗೆ ಸಿಗಲಿಲ್ಲ. ಲಾರಿ ಆಂದ್ರಪ್ರದೇಶದ್ದು ಎಂಬುದು ಮೇಲ್ನೋಟಕ್ಕೆ ಗೊತ್ತಾಗಿದೆ.

ಎರಡು ಶವಗಳು ಸಿಕ್ಕಿದ್ದು, ಘಟನೆಯಲ್ಲಿ ಇನ್ನೂ ಸಾವುಗಳಾಗಿದೆಯೇ ಎನ್ನುವುದನ್ನು ಪೊಲೀಸರು ಪರಿಶೀಲನೆ ನಡೆಸುತ್ತಿದ್ದಾರೆ.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next