ಲಿಬಿಯಾ: ಅವಳಿ ಕಾರ್ ಬಾಂಬ್‌ ಸ್ಫೋಟ: 33 ಸಾವು

ಟ್ರಿಪೋಲಿ: ಲಿಬಿಯಾದ ಬೆಂಘಾಜಿ ನಗರದಲ್ಲಿ ಮಂಗಳವಾರ ರಾತ್ರಿ ಸಂಭವಿಸಿದ ಭೀಕರ ಅವಳಿ ಕಾರ್ ಬಾಂಬ್‌ ಸ್ಫೋಟದಲ್ಲಿ 33 ಮಂದಿ ಸಾವನ್ನಪ್ಪಿದ್ದು 50ಕ್ಕೂ ಅಧಿಕ ಜನ ಗಾಯಗೊಂಡ ಘಟನೆ ವರದಿಯಾಗಿದೆ.

ಬೆಂಘಾಜಿಯ ಆಲ್‌ ಸಲ್ಮಾನಿ ಜಿಲ್ಲೆಯಲ್ಲಿಯ ಮಸೀದಿಯೊಂದರಿಂದ ಪ್ರಾಥನೆ ಮುಗಿಸಿ ಹೊರಗಡೆ ಬರುತ್ತಿದ್ದ ಸಂದರ್ಭದಲ್ಲಿ ಈ ದುರ್ಘ‌ಟನೆ ಸಂಭವಿಸಿದೆ.

ಮಸೀದಿಯ ಮುಂಭಾಗ ಮೊದಲ ಬಾಂಬ್‌ ಸ್ಫೋಟಗೊಂಡ 15 ನಿಮಿಷದಲ್ಲಿ ಅದೇ ಪ್ರದೇಶದಲ್ಲಿ ಎರಡನೇ ಬಾಂಬ್‌ ಸ್ಫೋಟಗೊಂಡ ವರದಿಯಾಗಿದೆ. ಅಸುನೀಗಿದವರಲ್ಲಿ ಸೈನಿಕರು ಮತ್ತು ಸಾಮಾನ್ಯ ಜನರು ಸೇರಿದ್ದಾರೆ.