“ಕಾವೇರಿ ಕಾಲಿಂಗ್‌’ಗೆ ಡಿಕ್ಯಾಪ್ರಿಯೋ ಬೆಂಬಲ

ಕೊಯಮತ್ತೂರು: ಸದ್ಗುರು ಜಗ್ಗಿ ವಾಸುದೇವ್‌ ಅವರು ತಮ್ಮ ಇಶಾ ಫೌಂಡೇಶನ್‌ ಸಂಸ್ಥೆಯಿಂದ ಆರಂಭಿಸಿರುವ “ಕಾವೇರಿ ಕಾಲಿಂಗ್‌’ ಅಭಿಯಾನಕ್ಕೆ (ಕಾವೇರಿ ನದಿ ಸಂರಕ್ಷಣೆಗಾಗಿ ಆಂದೋಲನ) ಹಾಲಿವುಡ್‌ ನಟ ಲಿಯೋನಾರ್ಡೊ ಡಿಕ್ಯಾಪ್ರಿಯೋ ಬೆಂಬಲ ವ್ಯಕ್ತಪಡಿಸಿದ್ದಾರೆ. ತಮ್ಮ ಫೇಸ್‌ಬುಕ್‌ ಪುಟದಲ್ಲಿ ಈ ಕುರಿತಂತೆ ಬರೆದುಕೊಂಡಿರುವ ಅವರು, “”ಭಾರತದಲ್ಲಿ ನದಿಗಳು ಬತ್ತಿ ಹೋಗುವ ಅಪಾಯ ಎದುರಿಸುತ್ತಿವೆ. ಅಂಥ ನದಿಗಳಲ್ಲಿ ಕಾವೇರಿಯೂ ಒಂದು. ಕಾವೇರಿಯ ಉಳಿವಿಗಾಗಿ ಸದ್ಗುರು ಜಗ್ಗಿ ವಾಸುದೇವ ಅವರು ಆರಂಭಿಸಿರುವ ಅಭಿಯಾನಕ್ಕೆ ಎಲ್ಲರೂ ಕೈ ಜೋಡಿಸಬೇಕು” ಎಂದು ಹೇಳಿದ್ದಾರೆ. ಅವರ ಪೋಸ್ಟ್‌, ಲಕ್ಷಾಂತರ ಭಾರತೀಯರನ್ನು ಸೆಳೆದಿದೆ. ಫೇಸ್‌ಬುಕ್‌ನಲ್ಲಿ ಅನೇಕ ಬಳಕೆದಾರರು ಆ ಪೋಸ್ಟ್‌ ಅನ್ನು ಹೆಚ್ಚೆಚ್ಚು ಶೇರ್‌ ಮಾಡಿದ್ದಾರೆ ಎಂದು ಇಶಾ ಫೌಂಡೇಶನ್‌ ಸಂಸ್ಥೆಯ ಪ್ರಕಟಣೆ ತಿಳಿಸಿದೆ.